O'zbekiston musulmonlari idorasi jamoasi Toshkent shahar Uchtepa tumani "Fayzulloxo'ja o'g'li Murodhoji" jome masjidi imom-xatibi Dilshod domla Qo'chqorovning padari buzrukvorlari vafoti munosabati bilan u kishining yaqinlariga chuqur ta'ziya izhor etadi.

Oxirat safariga kuzatilgan otaxon el koriga yaraydigan, dinu diyonat yo'lida xizmat qiladigan farzand va nevaralarni o'stirdilar, chiroyli tarbiya qildilar.

Alloh taolo marhum otaxonning barcha solih amallarini o'zlariga hamroh aylab, O'z mag'firatiga olsin. Haq taolo marhum otaxonning yaqinlari, farzandu arjumandlariga chiroyli sabr berib, bu musibatlariga ajru mukofotlar ato etsin.

O'zbekiston musulmonlari idorasi jamoasi, ulamolari, imom-domlalari va o'qituvchi-mudarrislari nomidan Dilshod domla Qo'chqorovga, u kishining oila a'zolari, yor-birodarlari, yaqinlariga hamdardlik bildiramiz.

Janoza namozi bugun, 6 dekabr' kuni soat 13:30 da Farg'ona viloyati Beshariq tumani Dehqonto'da qishlog'idagi Dilshod domlani uyida o'qiladi.

"Innaa lillaahi va innaa ilayhi roji'uun".

«Musibat etganda «Albatta, biz Allohnikimiz va albatta, biz Unga qaytuvchimiz», degan sabrlilarga xushxabar bering». 

O'zbekiston musulmonlari idorasi