Ko‘kaldosh o‘rta maxsus islom ta’lim muassasasiga Turkiyaning Karabük universiteti vakillari tashrif buyurdilar. Mehmonlar muassasa rahbariyati tomonidan iliq kutib olindi. Delegatsiya tarkibida Karabük universiteti Xalqaro aloqalar bo‘limi boshlig‘i Adnan Ukur, Muhandislik fakulteti Qurilish muhandisligi kafedrasi professori Prof. Dr. Ertug‘rul Esmeray hamda Karabük universiteti Assist. Prof. Dr. Dilmurod Jurayev bor edi.

Tashrif davomida mehmonlar avvalo muassasaning 475 yillik boy tarixi bilan tanishdilar. Asrlar mobaynida ilm va ma’rifat maskani bo‘lib kelgan bu dargoh bugungi kunda ham yosh avlodni diniy va dunyoviy bilimlar ruhida tarbiyalab, yurtimizning ma’naviy hayotida muhim o‘rin tutmoqda. Keyin mehmonlar yangi bosh binodagi sinf xonalari, kutubxona, kompyuter xonasi, sport zali, oshxona va yotoqxona bilan yaqindan tanishib, talabalar uchun yaratilgan sharoitlarni ko‘rdilar.

Yurtimizda so‘nggi yillarda Prezidentimiz tashabbusi bilan diniy-ma’rifiy sohani rivojlantirish, yoshlarni ilm, ma’rifat va ezgu qadriyatlar ruhida tarbiyalashga alohida e’tibor qaratilmoqda. Ko‘kaldosh kabi qadimiy ilm dargohlarining bugungi faoliyati ana shu e’tiborning yorqin ifodasidir.

Ko‘kaldosh o‘rta maxsus islom ta’lim muassasasi Matbuot xizmati