U kishining tug'ilgan sanalari manbalarda turlicha kelgan. Hijriy 118 yoki undan bir yil keyin tug'ilganlar. Boshqa rivoyatda 110 deyilgan. Hatib Bag'dodiy Ibn Muborakdan keltiradilar: “Abdulloh ibn Idris menga yosh haqida eslatdi va mendan necha yoshligimni so'radi. Men unga aytdim: “Ajamlar buni yodlab qolmaydilar, lekin, Abu Muslim chiqqanida qora kiyganimni eslayman, o'shanda yosh bola edim”. U aytdi: “Sen ham qora kiyishga duchor bo'ganmiding?”. Aytdim: “Bundan ham kichikroq edim. Abu Muslim hammani – kattayu kichikni qora kiyishga majbur qilgan edi”. Ko'rinib turibdiki, bu Abbosiylar hukmronligining ilk davrlarida, qora kiyishni o'zlariga shior qilib olganlarida bo'lgan. Halqning barchasini shunga majburlaganlar. Abbosiylar 132 yil paydo bo'lgan bo'lsa, demak tug'ilishlari 110 hijriy bo'ladi”[1].

Lekin manbalar[2]da 118 hijriyda tug'ilganlari etilgan. Buni Ahmad ibn Hanbal ham aytganlar. Vafotlari hijriy 181 yil, 63 yoshlarida bo'lgan.

Hurosonning mashhur shaharlaridan biri Marvda tug'ilganlar. Marvi Shohijon deb atalgan. Bu shahar va uning odamlari haqida o'tgan qismlarda so'z yuritdik.

 N.Saidakbarova,

Toshkent Islom instituti

“Hadis va Islom tarixi” kafedrasi o'qituvchisi.

[1] “Tarixi Bag'dod”, 10:154.

[2] “Tahzibut tahzib”, “Tobaqot”, “Al-Bidoya va An-Nihoya”, “Vafayotul ayo'n”, “Siyari a'lomun nubalo”.