O'zbekiston Respublikasi Vazirlar Mahkamasining 2023 yil 8 avgustdagi 345-sonli qaroriga muvofiq, joriy yil 1 noyabridan boshlab fuqarolarga “Umra” tadbirlarini tashkil etish va o'tkazishga oid xizmatlarni ko'rsatish faqat mahalliy turoperatorlar tomonidan amalga oshirilayotgani haqida xabar berilgan (https://t.me/uzbektourismofficial/12498) edi.

“Umra” ziyoratiga borishda qarorda keltirilgan talablardan kelib chiqqan holda maxsus litsenziyaga ega bo'lmagan turoperatorlar xizmatidan foydalinishda ogoh bo'lishni va keyinchalik turli ko'ngilsiz holatlarga tushib qolmaslik uchun litsenziyaga ega bo'lgan (https://umra.uzbektourism.uz/uz/umrahratings) turoperatorlar bilan hamkorlikda ishlash tavsiya etiladi (https://t.me/uzbektourismofficial/12646).

Litsenziyaga ega bo'lmay “Umra” tadbirlarini tashkil etish bilan shug'ullanayotgan 23 ta tadbirkorlik sub'ektiga kamchiliklarni bartaraf etish bo'yicha muddatlar belgilanib, ko'rsatmalar berildi.

Belgilangan muddatlarda kamchiliklarni bartaraf etmagan “Orzu Travel” MChJ, “Lastochka - Planeta” MChJ, “Premier Wanderlust” MChJ, "Bobissalam-Travel” MChJ "Muslim-Tour MT” MChJ, “Delta Smart Project” MChJ larning “chiqish turizmi” faoliyati bilan shug'ullanishga asos bo'lgan litsenziyalari Toshkent shahar Turizm boshqarmasining qarorlari bilan amaldagi qonunchilikka asosan 10 kun muddatga to'xtatildi.

https://t.me/Rasmiy_xabarlar_Official/40638