Shu yil 20 iyul' kuni O'zbekiston musulmonlari idorasi raisi birinchi o'rinbosari Homidjon domla Ishmatbekov “Ekstremizm va terrorizmning oldini olishda diniy ta'limning o'rni: Mustaqil davlatlar hamdo'stligi tajribasi” nomli xalqaro anjumanda onlayn tarzda qatnashdi. Unda Rossiya, MDH davlatlari diniy soha rahbarlari, muftiylar, professorlar, ilmiy tadqiqodchilar ishtirok etdi.

Halqaro anjumanda notiqlar mavzu doirasida ma'ruza bilan qatnashdi, ushbu yo'nalishda qo'llanilayotgan ilg'or tajribalar bilan o'rtoqlashdi, muammoli vaziyatlar muhokama qilindi.

Hususan, Homidjon domla Ishmatbekov ham xalqaro anjumanda mavzusi doirasida ma'ruza bilan qatnashib, bugungi murakkab davrda butun dunyoga katta tashvish bo'lib turgan ekstremizm va terrorizmning tub ildizi jaholat ekani, shu bois Islom dini bu illatlarni diniy ta'lim va ma'rifat bilan muolaja qilishga butun insoniyatni da'vat etishi, hozirgi kunda dolzarb bo'lib turgan masalalarni yirik ulamolar, taniqli muftiylar, din va davlat arboblari muhokama qilayotganlari tadbirning foydaliligi va nufuzini bir necha baravar oshirishini ta'kidladi hamda bu bo'yicha O'zbekiston tajribasi haqida ma'lumot berib o'tdi.

Halqaro anjuman ishtirokchilarining yakdil fikriga ko'ra, mutaassiblik, ekstremizm va terrorizmning oldini olish, ularga qarshi kurashda tengsiz omil bu sof diniy ta'limni rag'batlantirish va jamiyatda kengroq yoyish ekani ta'kidlandi va bu borada o'zaro hamkorlik masalalari kelishib olindi.

O'zbekiston musulmonlari idorasi Matbuot xizmati