“Bas, Allohdan qo'rqinglar, xaqni botilga aralashtirmanglar. O'zingizning buzuq fikringiz va kuchsiz faxmingiz bilan musulmonlarni kofirlarga qiyos qilmanglar”. Yo'lingizni botil ekaniga Abu Hurayra roziyallohu anhuning Rasululloh sallallohu alayhi vasallamdan rivoyat qilgan quyidagi xadisi dalolat qiladi: “Kufrning boshi mashriq tarafdandir”.“Hozirgi zamonda, ko'rinishidan yangi, asosiy qoidalari esa qadimiy bo'lgan firqa zohir bo'ldi.

U firqaning a'zolari Ibni Taymiyadan boshqa birorta bir ulamolarga e'tibor qaratmaydilar. Ibn Taymiyaning so'zlarini muqaddas deb biladilar. Va yana ular to'rt mo''tabar mazhablarning (hanafiy, shofe'iy, molikiy, hanbaliy) birortasiga hamda e'tiqodi xaq bo'lgan to'g'riliklari bilan tanilgan ulamolardan birortasiga muqallid (taqlid qiluvchi) emasliklarini, aksincha mustaqil ekanlarini iddao qiladilar. Ular amalda buyuk ulamolarning xech biriga ergashmaydilar
“Bular mana shu asrga kelib zohir bo'lib, keng tarqaldilar. Saqolni uzun o'stirish, oq uzun ko'ylaklar kiyish, yonlarida misvok ko'tarib yurish kabi ishlari bilan odamlarni chalg'itdilar. Bu narsalar, odamlar ularni ilm va taqvo ahllari deb o'ylashlariga sabab bo'ldi. Aslida esa, bular unday emaslar, balki ular ilmsiz va buzg'unchi kishilardir. Ilmsizliklari ham mutlaq johillik (jahl murakkab)dir. Ular xech narsani bilmaydilar, lekin bilamiz deb o'ylaydilar. O'zlarini “salafiylar” deb atayotgan bu odamlar, o'tmishdagi salaf (solih)larga xech qanday aloqasi yo'qdir. Ular o'sha solihlarimizga salaflar (ergashuvchilar) emas, balki xashaviylar, karromiylar va johil yahudiylarning salaflaridir.

Sharipov Tolibjon