O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbusi bilan "Qur’oni karim va tajvid" o‘quv kurslari faoliyati tizimli ravishda takomillashtirilmoqda.

Jumladan, shu yil 23 aprel kuni "Qur’on va tajvidni o‘rgatish" bo‘limida Respublikadagi "Qur’oni karim va tajvid" o‘quv kurslarida faoliyat olib borayotgan o‘qituvchi va mas’ul xodimlari uchun ZOOM platformasi orqali suhbat tashkil qilindi.

Suhbat davomida O‘zbekiston musulmonlari idorasi raisi o‘rinbosari Muhammadolim domla Muhammadsiddiqov yurtimizda olib borilayotgan diniy sohadagi islohotlar, jumladan, Qur’on ta’limiga e’tibor haqida alohida to‘xtalib o‘tdi.

Bo‘lim mudiri Ustoz Shayx Alijon qori Fayzulloh Maxdum Qur’oni karim fazilatlari haqida ma’ruza qilib, o‘qituvchi va mas’ul xodimlarga Qur’on ta’limi xususida kerakli tavsiyalarni berdi.

alquranuz