Sayt test holatida ishlamoqda!
10 Yanvar, 2025   |   10 Rajab, 1446
search icon
Avvalgi sayt
ЎЗ РУ EN AR

Toshkent shahri
Tong
06:24
Quyosh
07:48
Peshin
12:36
Asr
15:32
Shom
17:16
Xufton
18:35
Bismillah
10 Yanvar, 2025, 10 Rajab, 1446
Avvalgi sayt
#search
 YouTube

Qozon shahrida qizlar o'rtasida Qur'on musobaqasi o'tkaziladi

7.12.2023   1007   1 min.
Qozon shahrida qizlar o'rtasida Qur'on musobaqasi o'tkaziladi

2023 yil 16 dekabr' kuni Qozon shahrida qiz va ayollar o'rtasida Qur'on musobaqasi bo'lib o'tadi.

Tanlovda 5 yoshdan 15 yoshgacha bo'lgan qizlar ishtirok etishi mumkin. Musobaqa Qozon islom universiteti qoshida ochilgan Usmon ibn Affon roziyallohu anhu nomidagi o'quv markazi tomonidan tashkil etiladi. Musobaqa ikki yo'nalish bo'yicha o'tkaziladi:

– Qur'oni Karimning oxirgi 10 surasini yoddan o'qish (5-8 yoshli qizlar);

– Qur'oni Karimni 30 juzini yoddan o'qish (9-15 yoshli qizlar).

Musobaqa soat 9:00da boshlanadi.

Barcha yo'nalishlar bo'yicha asosiy talablar:

– Maxraj va tajvidga e'tibor;

– Qur'oni Karimni tarannum bilan o'qish.

Har bir ishtirokchi faqat bitta yo'nalishda qatnashishi mumkin.

Dastlabki uchta o'rinni egallagan tanlov g'oliblariga qimmatbaho sovg'alar beriladi. Qolgan barcha ishtirokchilar esa rag'batlantiruvchi esdalik sovg'alar bilan taqdirlanadi.

Arizalar 2023 yil 13 dekabrgacha qabul qilinadi.

Dunyo yangiliklari
Boshqa maqolalar

Qur’on va tajvid markaziga tashrif

9.01.2025   4090   1 min.
Qur’on va tajvid markaziga tashrif

Bugun O‘zbekiston musulmonlari idorasi Qur’oni karim va tajvidni o‘rgatish bo‘limi mudiri Shayx Alijon qori Fayzulloh Maxdum o‘g‘li hamda Toshkent viloyati bosh imom-xatibi Jasurbek domla Raupov Bekobod shahridagi Qur’on va tajvid markaziga tashrif buyurdilar. 
 

Markaz ma’muriyati hamda u yerda ta’lim olayotgan tinglovchilar bilan bo‘lib o‘tgan suhbat har jihatdan samarali bo‘ldi. Xususan, uchrashuvda Shayx Alijon qori hafizahulloh Qur’oni karimni yodlash fazilatlari, bu borada yaratilgan shart-sharoitlarning qadriga yetish, shukrona keltirish, vaqtdan unumli foydalanish kabi mavzularda go‘zal mav’iza qilib berdilar.


Haqiqatan, Qur’oni karimni yodlash, oyatlar ma’no-mazmunlarini tafakkur va tadabbur qilish ibodat va chinakam saodatdir.


Usmon ibn Affon roziyallohu anhu rivoyat qilgan hadisda Nabiy sollallohu alayhi vasallam: "Sizlarning yaxshilaringiz Qur’oni karimni o‘rgangan va o‘rgatganlaringizdir", deb marhamat qilganlar (Imom Termiziy rivoyati).

Toshkent viloyati vakilligi 
Matbuot xizmati

Qur’on va tajvid markaziga tashrif Qur’on va tajvid markaziga tashrif Qur’on va tajvid markaziga tashrif
O'zbekiston yangiliklari