Sayt test holatida ishlamoqda!
11 Sentabr, 2026   |   29 Rabi`ul avval, 1448
search icon
Avvalgi sayt
ЎЗ РУ EN AR

Toshkent shahri
Tong
04:38
Quyosh
05:59
Peshin
12:20
Asr
16:48
Shom
18:44
Xufton
20:00
Bismillah
11 Sentabr, 2026, 29 Rabi`ul avval, 1448
Avvalgi sayt
#search
 YouTube
Maqolalar

Qarzdor Jannatga kirmaydi

06.11.2024   8306   1 min.
Qarzdor Jannatga kirmaydi

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

عَنْ أَبِي هُرَيْرَةَ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: نَفْسُ الْمُؤْمِنِ مُعَلَّقَةٌ بِدَيْنِهِ حَتَّى يُقْضَى عَنْهُ. رَوَاهُ التِّرْمِذِيُّ وَابْنُ مَاجَهْ وَأَحْمَدُ.

Abu Hurayra roziyallohu anhudan rivoyat qilinadi: «Nabiy sollallohu alayhi vasallam:«Mo‘minning ruhi to qarzini ado qilmaguncha qarziga bog‘liq bo‘lib turadi», dedilar» (Termiziy, Ibn Moja, Ahmad rivoyat qilganlar).

Sharh: Mo‘min kishining qarzi bo‘lsa, o‘lganidan keyin unga jannatdagi makoni ko‘rsatilmay turar ekan. Qachon qarzi uzilsa, o‘shandan keyingina ko‘rsatilar ekan. Bunda esa o‘ziga yarasha qabr azobi bor. Birovning haqqi shu darajada ahamiyatli. Payg‘ambar sollallohu alayhi vasallamning ham qarzi borlarga o‘zlari janoza o‘qimagan hollari bo‘lgan.

Bundan kim qabrda noqulay holga tushib qolmay, desa, tirikligida o‘zida biror kishining haqqi qolmasligi uchun harakat qilishi lozim.

«Hadis va hayot» kitobi asosida tayyorlandi

Maqolalar
#logo
Boshqa maqolalar
Yangiliklar

Yangi tayinlangan imomlar uchun o‘quv-seminar o‘tkazildi

11.09.2026   2645   1 min.
Yangi tayinlangan imomlar uchun o‘quv-seminar o‘tkazildi

#xabar #seminar #imom #malaka

O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbuslari bilan diniy soha xodimlarining kasbiy salohiyatini oshirish va ish samaradorligini yuksaltirish maqsadida tizimli chora-tadbirlar amalga oshirilmoqda. 
 

Shu maqsadda 8–9 sentyabr kunlari Diniy idoraning Masjidlar bilan ishlash hamda Kadrlar bo‘limlari hamkorligida respublikamiz bo‘yicha yangi lavozimga tayinlangan 55 nafar imom-xatib va imom noiblari uchun ikki kunlik o‘quv-seminari o‘tkazildi.

Mashg‘ulotlar davomida O‘zbekiston musulmonlari idorasi raisining birinchi o‘rinbosari Homidjon domla Ishmatbekov, Masjidlar bilan ishlash bo‘limi mudiri Muzaffar Kamolov, Qur’oni karim va tajvidni o‘rgatish bo‘limi mudiri Shayx Alijon qori, shuningdek, Fatvo markazi, Kadrlar bilan ishlash, Ichki nazorat bo‘limi mutasaddilari o‘z yo‘nalishlari bo‘yicha ma’ruza qildilar. 


Xususan, soha mutasaddilari tomonidan muvaffaqiyatli imom bo‘lish omillari, go‘zal qiroat va tajvid qoidalari, shar’iy masalalarga to‘g‘ri yondashish, faoliyat samaradorligini baholash (KPI), qonun-qoidalarga qat’iy rioya etish, mehnat munosabatlari hamda jamoat bilan ishlash ko‘nikmalari yuzasidan zarur amaliy tushuntirish va tavsiyalar berildi.

O‘zbekiston musulmonlari idorasi

Matbuot xizmati

Yangi tayinlangan imomlar uchun o‘quv-seminar o‘tkazildi Yangi tayinlangan imomlar uchun o‘quv-seminar o‘tkazildi Yangi tayinlangan imomlar uchun o‘quv-seminar o‘tkazildi Yangi tayinlangan imomlar uchun o‘quv-seminar o‘tkazildi Yangi tayinlangan imomlar uchun o‘quv-seminar o‘tkazildi
O'zbekiston yangiliklari
#logo