Умрингиз чегараланган. У хурсандчилик, шодлик, розилик, сакинат ва қаноат умридир. Очкўзлик, тама ва безовталик сизнинг умрингиздан эмас, балки улар сизнинг соғлиғингиз, тинчлигингиз ва чиройингизга зид келадиган, зарар берадиган нарсалардир. Шундай экан, сиз доимо Аллоҳдан рози, сизга берилган нарсага қаноатли, тақдирга иймонли ва келажакка яхши умидли бўлинг. Сиз сояси жуда оз, кўрган инсонни қувнатадиган, арзон нарсларга боғланиб қолмаган ва гулдан гулга қўниб, боғдан боғга сайр қиладиган гўзал капалак каби бўлинг. Ёки пок нарса тановул қилиб, пок нарса берадиган, бирор гулга қўнса уни синдирмайдиган, хушбўй нарсага қўниб, уни яраламайдиган, асал бериб, чақмайдиган ва муҳаббат ила парвоз этадиган асалари каби бўлинг.

Шуъла: Аллоҳ таоло кўп тавба қилувчиларни севади. Чунки улар Унга қайтишган ва ҳолатларини У зотга шикоят этишган.

Доктор Оиз ал-Қарнийнинг
"Дунёдаги энг бахтли аёл" китобидан