31 Май, 2026, 13 Зулҳижжа, 1447
31 Май, 2026, 13 Зулҳижжа, 1447
Хабарингиз бор, шу йилнинг 16-17 сентябрь кунлари Ўзбекистон мусулмонлари идораси тасарруфидаги ўрта махсус ислом таълим муассасаларига кириш учун ҳужжат топширган абитуриентлар Давлат тест маркази томонидан тест синовларида иштирок этдилар.
Шу кунларда ота-оналар, абитуриентлар ва уларнинг яқинлари томонидан мадрасаларга кириш имтиҳонлари натижалари қачон эълон қилиниши борасида жуда кўп мурожаатлар бўлмоқда.
Тест синовлари Давлат тест маркази томонидан олинганини инобатга олсак, имтиҳон натижалари ҳам ушбу марказ томонидан эълон қилинади. Айни кунларда имтиҳон натижаларини текшириш жараёнлари давом этмоқда.
Мадрасаларга кириш имтиҳонлари натижалари қачон эълон қилиниши тўғрисидаги расмий хабар Ўзбекистон мусулмонлари идорасининг muslim.uz интернет сайти ва “Телеграм” мессенжеридаги https://t.me/muslimuzportal каналида эълон қилинади.
Барча абитуриентларга Аллоҳ таолодан омад ва зафарлар тилаймиз.
Ўзбекистон мусулмонлари идораси Матбуот хизмати
Муборак Қурбон ҳайити арафасида Тошкент шаҳрида саховат ва эҳсон тадбирлари давом этмоқда. Ўзбекистон мусулмонлари идораси ҳамда “Вақф” хайрия жамоат фонди ҳамкорлигида эҳтиёжманд, кам таъминланган оилалар ҳолидан хабар олиниб, уларга байрам шукуҳи улашилмоқда.
Хусусан, бугун Тошкент шаҳрининг Мирзо Улуғбек туманида хайр-саховатга йўғрилган сайёр тадбирлар ташкил этилди. Унда Ўзбекистон мусулмонлари идораси раиси ўринбосари Зайниддин домла Эшонқулов, Тошкент шаҳар бош имом-хатиби ўринбосарлари Абдуллоҳ домла Юлдашев ва Эргаш домла Рустамов ҳамда Тошкент шаҳар имом-хатиблари иштирок этдилар.
Тадбир давомида туманда истиқомат қилаётган 100 дан ортиқ эҳтиёжманд хонадон ҳолидан хабар олиниб, уларга озиқ-овқат маҳсулотлари жамланмалари байрам совғаси сифатида топширилди.
Мазкур эзгу ташаббус Қурбон ҳайити кунларида аҳоли орасида меҳр-оқибат, саховат ва ҳамжиҳатлик муҳитини янада мустаҳкамлашга хизмат қилмоқда.
MuslimShosh.uz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 