Маҳмуд ибн Лабид розияллоҳу анҳудан ривоят қилинади: «Расулуллоҳ соллаллоҳу алайҳи ва саллам: «Сизлардан қўрқадиган нарсаларимнинг энг қўрқинчлиси кичик ширк”, дедилар. Саҳобалар: “Эй Аллоҳнинг Расули, кичик ширк нима?” дейишди. У зот: “(Кичик ширк) Риёдир, инсонлар амалларига яраша жазо ёки мукофот оладиган кунда Аллоҳ таоло риёкорларга: “Дунёда кимлар учун риё қилган бўлсангиз, ўшаларга боринглар. Қаранглар-чи, уларнинг ҳузурида бирон мукофот топармикансизлар?!” дейди”, дедилар» (Имом Аҳмад ривоят қилган. Шуъайб Арнаут исноди саҳиҳ деган).

Шайх Нуриддин ХОЛИҚНАЗАР ҳазратларининг

“Раббоний нидолар” китобидан