26 апрель, якшанба куни Саудия Арабистони подшоҳи Салмон бин Абдулазиз ҳазрати олийлари коронавирус пандемияси сабабли Қиролликнинг барча ҳудудларида ўрнатилган тақиқларни қисман бекор қилди.
Ушбу қарор мамлакатдаги Макка Мукаррама ва бир неча шаҳарлардаги изоляция қилинган жойларга тегишли эмас. Бу ҳақда Саудия Арабистони “SPA” ахборот агентлиги маълум қилди.
Янги қарор кўра аҳоли зарур эҳтиёжлар учун эрталаб 09:00 дан кечки 18:00 га қадар ҳаракатланиши мумкин бўлди. Бу ҳолат 13 май кунигача давом этади. Шунингдек, мамлакатдаги йирик “Савдо марказлари” мажмуалари соғлиқни сақлаш бўйича зарур қоидаларга риоя қилган ҳолда, мижозларга хизмат кўрсатиш учун очилиши маълум қилинди.
Маълумот учун, ҳозирда Саудия Арабистонида коронавирус билан касалланганлар сони 16299 нафарга етди. Ундан соғайганлар сони 2215 нафар, вафот этганлар сони 136 нафарни ташкил этмоқда.
Ўзбекистон мусулмонлари идораси
Халқаро алоқалар бўлими
Расулуллоҳ соллаллоҳу алайҳи васаллам: "Жума куни ўн икки соатдир. Ундан қайси соатда мусулмон Аллоҳдан бирор нарса сўраса, Аллоҳ таоло унга ўша нарсани берур. Уни асрдан кейинги охирги соатда изланглар", дедилар.
Солиҳлардан бири айтади: "Жума куни аср билан шом орасида дуо қилганимда Роббим дуоларимни ижобат қилаверди. Ҳатто Роббимдан бирон нарса сўрашга уяладиган бўлиб қолдим".
Фазл ибн Фазола раҳимаҳуллоҳ жума куни аср намозини ўқигач то қуёш ботгунича дуо қилишдан тўхтамас эди.