25 Март, 2026, 5 Шаввол, 1447
25 Март, 2026, 5 Шаввол, 1447
Маълумки, куни кеча 5 март куни узоқ йиллардан бери кузатилмаган ҳолат – Масжидул Ҳаромнинг Каъба атрофидаги асосий тавоф қилинадиган саҳнаси ҳамда Масжидун Набавий ичидаги Равзаи мутаҳҳара вақтинчалик ёпиб қўйилган эди.
Бу ҳолат коронавирусга қарши кураш, вирус тарқалишининг олдини олиш мақсадида тозалаш ишлари бошлангани муносабати билан амалга оширилгани хабар берилган. Аммо диндошларимиз масжиднинг ичида, яъни масжиднинг усти ёпиқ жойларида тавоф-саъйларини амалга ошириб, намоз ўқишмоқда. Икки Ҳарами шарифда ҳам бугун Жумъа намози адо этилди. Аммо тозалаш, дезинфекция ишлари якунига етмагани учун Каъба атрофидаги саҳна ҳали очилмади.
Аллоҳ таоло Масжидул Ҳаром ва Масжидун Набавийни ҳамда барча умрачи, зиёратчиларни Ўз паноҳида асраб, Каъба атрофидаги тавоф қилинадиган саҳна ва Равзаи мутаҳҳаранинг тезроқ очилишини насиб этсин! Шунинг қаторида юртимизни, халқимизни ҳам турли касалликлар ва вируслардан Ўз паноҳида асрасин!
Ўзбекистон мусулмонлари идораси Матбуот хизмати
Бисмиллаҳир Роҳманир Роҳийм
Машҳур тобеин Фузайл ибн Иёз раҳматуллоҳи алайҳнинг Али исмли ўғли бўлиб, илмга қизиқмас, боқибеғам бола эди. Отаси уни тарбия қилишга ҳар қанча уринмасин, бирор ўзгариш бўлма ди. Шунда фарзанди ҳаққига бундай дуо қилди:
اللهم إنِّي اجْتَهَدْتُ أَنْ أُؤَدِّبَ عَلِيًّا قلم أَقْدِرُ عَلَى تَأْدِيبِهِ فَأَذِبُهُ أَنْتَ
Маъноси: Аллоҳим, мен ўғлим Алини одобли қилишга ҳарчанд ҳаракат қилдим, аммо қурбим етмади, бас, Ўзинг менга уни тарбияли қилиб бер.
Ушбу дуонинг баракотидан Али ибн Фузайл раҳматуллоҳи алайҳ улуғ олим бўлиб етишди.
Имом Насоий раҳматуллоҳи алайҳ Али ибн Фузайлни “сиқа” (ишончли) “маьмун” (омонатли) деган.
Абдуллоҳ ибн Муборак раҳимаҳуллоҳ: “Одамларнинг энг яхшиси Фузайл ибн Иёз, ундан ҳам яхшироғи ўғли Алидир”, деган.
Суфён ибн Уяйна раҳматуллоҳи алайҳи: “Мен Фузайлдан ва унинг ўғлидан кўра Аллоҳдан кўпроқ қўрқадиган бирор кимсани кўрмадим”, деган (Сиярул аълам ан-нубало).
Моҳира ЗУФАРОВА
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 