11 Декабр, 2025, ,
11 Декабр, 2025, ,
2019 йил 25 март куни ижтимоий тармоқларда Ўзбекистон мусулмонлари идораси расмий иш қоғоси нусхасига ёзилган бир нечта шахслар тўғрисидаги маълумотлар сохтадир. Унда келтирилган маълумотлар ва ёзувлар қалбакидир.
Бу каби асоссиз уйдирма хабарларни тарқатишдан мақсад Ўзбекистондаги диний соҳада олиб борилаётган ижобий ўзгаришларни ёмонлаб кўрсатиш ва мўмин-мусулмонлар орасига ишончсизлик уруғини сочишдан ўзга нарса эмас.
Инсон дунёга муккасидан кетиб, охиратини унутиб, ҳар қандай қабиҳ ишга қўл урмаслиги керак. Ибн Умар розияллоҳу анҳудан ривоят қилинган ҳадисда Расулуллоҳ соллаллоҳу алайҳи ва саллам: “Ёлғон гувоҳлик берувчининг икки оёғи қўзғалмай туриб, Аллоҳ унга дўзахни вожиб қилади”, деганлар. Яна бир ҳадисда "Ким бизни алдаса, биздан эмас" дейилган.
Азиз юртдошлар, ҳар бир мўмин-мусулмон киши бундай ёлғон-яшиқларга, миш-миш гапларга учмаслиги, фитналардан огоҳ бўлиши даркор. Набий соллаллоҳу алайҳи ва саллам: “Мўмин киши зийрак, ҳушёр ва оқил бўлади”, деган ҳадислари моҳиятини чуқур тушуниш лозим.
Баъзи бир ҳасадгўй кимсалар халқимиз орасида норозилик кайфиятини уйғотиш мақсадида, фитна чиқариш илинжида турли уйдирмаларни оммавий ахборот воситалари орқали тарқатишдан тап тортишмаяпти. Буларга алданиб қолмаслигимиз керак. Шундай ёлғон хабарларни тайёрлаш ва тарқатиш қонун билан тақиқланади, Ислом динида эса қаттиқ қораланади.
Аллоҳ таоло ҳаммамизни тўғри йўлга бошласин!
Ўзбекистон мусулмонлари идораси Матбуот хизмати
Наманган вилоятида Дин ишлари бўйича қўмита, Ўзбекистон мусулмонлари идораси, Санэпидқўмита ва ЮНИСЕФ ҳамкорлигида дин етакчилари учун “Эмлаш: илмий ва диний асослар” мавзусида икки кунлик семинар-тренинг бошланди.
Тадбирда аҳоли саломатлигини муҳофаза қилишда эмлашнинг ўрни, унинг илмий ва диний асослари ҳамда соғлом турмуш тарзини тарғиб қилиш масалалари ёритилди. Иштирокчиларга миллий эмлаш дастурининг натижалари, организмни ҳимоя қилишдаги муҳим жиҳатлар ва жойларда учраётган савол ҳамда муаммолар ҳақида батафсил маълумот берилди.
Семинар доирасида имом-хатиблар ва отинойилар билан очиқ мулоқот ўтказилиб, ҳудудлардаги вазият, аҳоли фикрлари, таклифлар ва муаммолар муҳокама қилинди. Томонлар ҳамкорликни кучайтириш ва эмлаш бўйича аниқ ва ишончли маълумотларни аҳолига етказиб бориш бўйича келишиб олдилар.
Илмий таҳлиллар сўнгги юз йилда эмлаш кўплаб хавфли касалликларнинг тарқалишини кескин камайтирганини кўрсатади. Масалан, 1969 йилгача ҳар йили 2,6 миллион инсонни ҳалок этган қизамиқка қарши вакцина пайдо бўлган. Жаҳон соғлиқни сақлаш ташкилотининг маълумотларига кўра, ушбу касаллик бўйича 2000–2017 йилларда дунё миқёсида ўлимлар 80 фоизга камайди. Миллионлаб болаларнинг ҳаётини издан чиқарган полиомиелит эса бугун деярли йўқ даражасга тушган.
Ўзбекистон мусулмонлари идораси
Наманган вилояти вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 