Алжирда Қуръони карим мўъжизаларига бағишланган халқаро симпозиум бўлиб ўтди, деб хабар бермоқда International Quran News Agency.
Ташкилотчиларнинг фикрларига кўра, Қуръони каримнинг ҳақиқийлиги замонамизнинг турли хил кашфиётлари ва илмий ютуқлари билан ўз тасдиғини топмоқда.
(Қуръони карим оятларида баён этилган илмий мўъжизалар билан боғлиқ янгиликлар кундан-кунга кашф этилиб, унга бўлган қизиқиш тобора ортиб бормоқда.)
“Қуръони карим ва Суннатдаги илмий мўъжизалар” симпозиуми иштирокчилари илмий клуб ташкил этиб, унда Қуръони карим ва Суннатдаги илмий мўъжизаларнинг шарҳини амалга ошириш, шунингдек янги мажлисларни ўтказиш таклифини илгари суришди.
Семинарда Алжир ва хорижий мамлакатларнинг турли университетлари (Фаластин, Тунис, Буюк Британия ва бошқалар) дан тадқиқотчилар иштирок этишди.
Ўзбекистон мусулмонлари идораси матбуот хизмати
Ўзбекистон Республикаси Президентининг “Жазо муддатини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги Фармонига шарҳ
Ўзбекистон Республикаси Президенти Шавкат Мирзиёев Ўзбекистон Республикаси Конституцияси қабул қилинганлигининг 33 йиллиги муносабати билан давлатимиз томонидан олиб борилаётган инсонпарварлик сиёсатининг амалий тасдиғи сифатида “Жазо муддатини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги Фармонни имзолади.
Фармонга мувофиқ, Ўзбекистон Республикаси Конституциясининг 109-моддаси 23-бандига асосан жазо муддатини ўтаётган ҳамда қилмишига чин кўнгилдан пушаймон бўлган ва тузалиш йўлига қатъий ўтган 615 нафар шахс афв этилди.
Афв этилган шахсларнинг 220 нафари асосий жазодан тўлиқ озод этилди, 123 нафари жазони ўташдан муддатидан илгари шартли озод қилинди, 97 нафарининг озодликдан маҳрум этиш жазоси енгилроқ жазо билан алмаштирилди. Шунингдек, 175 нафар шахсларга тайинланган озодликдан маҳрум этиш жазосининг муддатлари қисқартирилди.
Афв этилганларнинг 9 нафарини чет эл фуқаролари, 29 нафарини аёл, 23 нафарини 60 ёшдан ошган эркаклар, 264 нафарини ёшлар (шулардан, 2 нафари вояга етмаганлар) ҳамда 9 нафарини тақиқланган ташкилотлар фаолиятида қатнашган шахслар ташкил этади.
Фармон ижроси юзасидан афв этилган шахсларни оиласи ва яқинлари бағрига қайтариш, ижтимоий ҳаётга мослашиб, фойдали меҳнат билан шуғулланишлари, соғлом турмуш тарзини йўлга қўйиб, жамиятда муносиб ўрин топишлари учун уларга кўмак бериш бўйича масъул вазирлик ва идораларга тегишли топшириқлар берилди.