Сайт тест ҳолатида ишламоқда!
06 Апрел, 2025   |   8 Шаввол, 1446

Тошкент шаҳри
Бомдод
04:37
Қуёш
05:58
Пешин
12:30
Аср
17:00
Шом
18:56
Хуфтон
20:12
Bismillah
06 Апрел, 2025, 8 Шаввол, 1446

Рамазон (шеър)

03.06.2018   67992   21 min.
Рамазон (шеър)

Яхши келдинг, эй шарофатли азиз меҳмонимиз,

Интизор эрди йўлингда дийдаи гирёнимиз,

 

Эй кўнгиллар истаги, маҳбубимиз, жононимиз,

Ўртанур шавқинг била бу сийнаи сўзонимиз,

Тийра кулбамиз ёрутдинг, эй маҳи тобонимиз.

 

Жилвалар айлаб саодат буржида, эй навниҳол,

Юз очиб, қилдинг намоён нозанинлардек жамол,

Барқарор ўлғил камолот авжида кўрмай завол,

Хуш келибсан, кетмағил, то умримиз борича қол,

Кечсин эмди сен била қолган ҳаёти фонимиз.

 

Дилҳазинларни қудуминг шоду хандон айлади,

Кечамизни партави моҳинг чароғон айлади,

Ҳар саҳар субҳинг насими анжумафшон[i] айлади,

Сен туфайли Тангри неъматлар фаровон айлади,

Ҳайри баркат келганинг моҳи шариф рамадонимиз.

 

Қайси бир мадҳинг рақам қилгай сенинг, эй яхши зот,

Улки мўмин баҳравар сендин ҳаёту ҳам мамот,

Эй карамбахшу сахолик, боиси хайру закот,

Топғуси бечоралар сен бирла тангликдин нажот,

Хайри мақдам, эй фазилатли маҳи ғуфронимиз.

 

Таърихи ҳижратга ўтгач икки йил ул биру бор,

Бандаларга рўза тутмоқ амрин этди ошкор,

Эҳтиром ила тутинг одобини, эй рўзадор,

Кони хислат, хосиятбахшу маҳи раҳматнисор,

Бир улуғ неъматки, бизга туҳфаи раҳмонимиз.

 

Ассалом, эй моҳи олий, хуш келибсан, марҳабо,

Эй ғубори хоки пойинг дийдаларга тўтиё,

Қилмадик шойиста амринг, тутмадик шартинг бажо,

Бўлғумиз афв этмасанг, шармандаи явмил-жазо,

Ул куни сўрганда биздин адл ила султонимиз.

 

Ҳақ таоло бизга кўп лутфу иноят айлади,

Сен каби бир моҳи раҳматни каромат айлади,

Холисанлиллоҳ агар ким сенга хизмат айлади,

Они Тангрим лойиқи дийдору жаннат айлади,

Иллати журму гунаҳлар дардига дармонимиз.


 

 

Жумла ойлардин фазилатли, муборак номсан,

Бенаволарга саховатли улуғ айёмсан,

Соим[ii] аҳлини зиёфат қилғучи ҳар шом сан,

Раҳматидин Жабраилдек қосиди пайғомсан,

Хайрхоҳу журмпўшу[iii] пардаи нуқсонимиз.

 

Мушкбўйи файзи субҳингдин муаттардур димоғ,

Рўшнойи лайлатил-қадрингда юлдузлар чироғ,

Ғафлат аҳли уйқуда бебаҳра, кундуз кун синоғ,

Яхшилар бедор ўлиб, тунлар фароғатдин йироғ,

Айлашиб хатму тиловат ҳофизи қуръонимиз.

 

Эй маҳи ашраф[iv], фазилат сенда беҳад бордур,

Ҳам савобинг беҳисобу ҳикматинг бисёрдур,

Сусти ҳозим[v], заъфи меъда бирла ким бемордур,

Ҳикматинг бу дарду иллатга шифо изҳордур,

Ҳар маризу[vi] ҳар тани бемора сен Луқмонимиз.

 

Бизни, ё Раб, яхшиларнинг зумрасига қил вусул,

Журмимизни мағфират қил, айла раҳматга духул,

Айбу нуқсон бирла тутган рўзамизни қил қабул,

Бу Суҳайлий осийнинг сендин мудом уммиди шул,

Вақти риҳлатда саломат айлагил иймонимиз.



[i] анжумафшон — юлдуз сочувчи, нур сочувчи

[ii] соим  –  рўзадор

[iii] журмпўш  –  айбларни ёпгувчи

[iv] ашраф  –  энг улуғ

[v] сусти ҳозим  – ҳазм тизимининг бузилиши

[vi] мариз  – касал

 

Дадахон қори Суҳайлий

 

 

Рамазон-2018
Бошқа мақолалар
Янгиликлар

Тошкент ислом институти талабаси Ўзбекистонда 2-ўринни эгаллаб, жаҳон кубогига йўлланма олди

05.04.2025   6790   1 min.
Тошкент ислом институти талабаси Ўзбекистонда 2-ўринни эгаллаб, жаҳон кубогига йўлланма олди

Жорий йил 2-4 апрель кунлари Ўзбекистон давлат жисмоний тарбия ва спорт университетида спортнинг Баҳодирлар ўйини ва тош кўтариш турлари бўйича барча ёш тоифалари ўртасида беллашув ўтказилди.
400 дан ортиқ полвонлар ўртасида Тошкент ислом институти 2-курс талабаси Бобоназаров Муҳаммад Содиқ тош кўтариш тури бўйича 18-23 ёшлилар орасида 95 кг+ вазн тоифасида фахрли 2-ўринни олди.  
Шунингдек, Муҳаммад Содиқ 2025 йил 26 апрель санасида ўтказиладиган Жаҳон кубогида иштирок этиш йўлланмасини қўлга киритди.
Мусобақани Баҳодирлар ўйини ва тош кўтариш федерацияси президенти Вохиддин Нажмиддинов, гиннес рекордчи ва профессионал спортчилар кузатиб бордилар. Мусобақа якунида ғолибларга Спорт вазирлиги томонидан диплом ва эсдалик совғалари топширилди.

https://t.me/oliymahad/34952

Тошкент ислом институти талабаси Ўзбекистонда 2-ўринни эгаллаб, жаҳон кубогига йўлланма олди Тошкент ислом институти талабаси Ўзбекистонда 2-ўринни эгаллаб, жаҳон кубогига йўлланма олди Тошкент ислом институти талабаси Ўзбекистонда 2-ўринни эгаллаб, жаҳон кубогига йўлланма олди
Ўзбекистон янгиликлари