25 Июл, 2026, 11 Сафар, 1448
25 Июл, 2026, 11 Сафар, 1448
2007 йил Тошкент шаҳри Ислом ҳамкорлик ташкилотининг (ISESCO) “Фан, таълим ва маданият” тузилмаси томонидан Ислом маданияти пойтахти деб эълон қилинган эди.
Ислом ҳамкорлик ташкилоти ҳар йили мусулмон мамлакатларидаги 3 та шаҳарни Ислом маданияти пойтахти деб эълон қилади. Уларнинг бири араб мамлакатларидан, бошқаси Осиё ва учинчиси Африкадаги мусулмон мамлакатлардаги шаҳарлардир.
Ташкилотдаги маданият вазирлари IX Ислом конференцияси томонидан 2020 йилда Бухоро, Қоҳира (Миср) ва Бамако (Мали) шаҳарлари Ислом маданияти пойтахти сифатида тасдиқланган.
Аслида Бухорои шариф бир неча асрлар давомида Ислом маданияти пойтахти бўлиб келган. Унинг “Қуббатул Ислом”, яъни “Ислом гумбази” деб номлангани ҳам бежиз эмас. Ташкилот томонидан ушбу шаҳарнинг Ислом маданияти пойтахти деб эътироф этилиши асрлар давомида ушбу шаҳар ва ундан чиққан олимларнинг Ислом цивилизациясига қўшган ҳиссасини яна бир бор тасдиғи ҳисобланади.
Аъзамжон АБДУРАҲМОНОВ
Тошкент ислом университети “Ислом цивилизациясини ўрганиш ISESCO” кафедраси ўқитувчиси
ЎМИ Матбуот хизмати
#xabar #juma #tashrif
Давлатимиз раҳбари ташаббуси билан қайта бунёд этилган Имом Бухорий мажмуасидаги жоме масжидда навбатдаги жума намози адо этилди.
Ибодат олдидан Қашқадарё вилояти бош имом-хатиби Раҳматилло домла Усмонов "Етимларга ёрдам бериш – жаннат калити!" мавзусида маъруза қилдилар.
Суҳбатда Қуръони карим оятлари ва ҳадиси шарифлар асосида етимларга ғамхўрлик қилиш, уларнинг ҳақ-ҳуқуқларини муҳофаза этиш ҳамда бугунги кундаги «тирик етимлар» муаммосига эътибор қаратиш зарурлиги таъкидланди.
Шунингдек, жамиятда саховат ва бағрикенгликни мустаҳкамлаш мўмин-мусулмонларнинг муҳим вазифаси экани айтиб ўтилди. Намоз якунида юрт тинчлиги, эл фаровонлиги ва хайрли ислоҳотлар бардавомлигини сўраб дуолар қилинди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 