02 Август, 2025, 8 Сафар, 1447
02 Август, 2025, 8 Сафар, 1447
Ислом маданияти ривожига ҳисса қўшган Абу Исо Термизий ва термизий алломаларнинг беназир меросини илмий асосда чуқур ўрганиш бўйича самарали ишлар амалга оширилмоқда. Бугун эрта тонгда ана шундай улуғ алломамиз номи билан аталувчи, азим Пойтахтимизнинг Олмазор туманида жойлашган “Имом Термизий” жоме масжидига биринчи ғишт қўйиш маросими бўлиб ўтди.
Унда Ўзбекистон мусулмонлари идораси раиси, муфтий Усмонхон Алимов бошчилик уламолар, масжид қавми ва маҳалла фаоллари иштирок этишди.
Муфтий ҳазратлари қурилаётган масжид қиёматгача хизмат қилишини ният қилиб, биринчи ғиштни қўйиб бердилар. Шунингдек, нуронийлар ва эзгу ниятда йиғилган қалби пок инсонлар ҳам бирин-кетин пойдеворга ғишт қўйдилар.
Маълумот учун, жорий йилнинг 21 апрель куни муҳтарам Президентимиз Олмазор туманига қилган ташрифлари чоғида ушбу жомени кўздан кечириб, уни қайтадан қуриш бўйича кўрсатмалар берган эдилар.
Ўзбекистон мусулмонлари идораси
Масжидлар бўлими
Бисмиллаҳир Роҳманир Роҳийм
Савол: Жаноза намозида тўртта такбирни айтиш фарз деб эшитганмиз. Имомга иқтидо қилган кишилар ҳам такбирларни айтишлари керакми? Уларга ҳам тўрт такбирни айтиш фарз бўладими?
Жавоб: Бисмиллаҳир Роҳманир Роҳийм. Албатта, иқтидо қилганлар ҳам мазкур такбирларни айтишлари фарз бўлади. Чунки уламоларимиз мазкур такбирлар бошқа намозлардаги ракатнинг ўрнида бўлади, яъни тўрт такбирли жаноза гўёки тўрт ракатли намознинг ҳукмида бўлади, деганлар.
Шу боис имом ҳам, унга иқтидо қилганлар ҳам такбирларни айтишлари шарт ҳисобланади. Агар кимдир такбирларни айтмаса, ёки улардан биттасини қолдирса, жаноза ўқиган бўлмайди. Валлоҳу аълам.
Ўзбекистон мусулмонлари идораси
Фатво маркази.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа