14 Ноябр, 2026, 4 Жумадул сони, 1448
14 Ноябр, 2026, 4 Жумадул сони, 1448
Арофатга чиқишдан олдин ғусл қилиш суннатдир. Арофатда туриш ҳажнинг асосий рукни бўлиб, бу рукнсиз ҳаж бўлмайди. Арафа куни заволдан бошлаб, Арофатда туриш вақти киради. Макони, Арофат деб номланган машҳур жой. Арофат чегарасидан бошқа жойда турса, ҳажи ҳаж бўлмайди. Арофатда Арафа куни заволдан ҳайит куни тонгигача қай ҳолда турса ҳам, бир соат турса соқит бўлади. Бу ерда ҳам талбия айтиб туради. Арофатда ҳам дуога зўр бериш керак, айниқса Жабали раҳмат устиларига чиқиб дуо қилиш тавсия қилинган. Арофатда пешин ва аср намозлари бир азон ва икки иқомат билан қўшиб, қаср қилиб ўқилади, пешин вақтида. Ҳаж амири хутба ўқийди. Арофатда қуёш ботгунча туриш вожиб ҳисобланади.
Бугун, 9 ноябрь куни Ўзбекистон мусулмонлари идорасида юртимиз бўйлаб янги ишга тайинланган ҳамда бошқа вазифага ўтказилган 40 га яқин имом-хатиб ва имом ноиби билан суҳбат бўлиб ўтди.
Мулоқотда Ўзбекистон мусулмонлари идораси раисининг биринчи ўринбосари Ҳомиджон домла Ишматбеков ҳамда Кадрлар бўлими бошлиғи Салоҳиддин домла Шерхонов иштирок этди.
Учрашувда дин пешволарининг жамиятдаги ўрни, уларнинг масъулиятли бурч ва вазифалари юзасидан керакли тавсия ва кўрсатмалар берилди. Хусусан, суҳбат давомида дин ходимларининг интизоми ва маданияти масаласига алоҳида эътибор қаратилди.
Тадбир якунида лавозимга тайинланган имом-хатиб ва ноибларга ички меъёрий ҳужжатлар тушунтирилди. Шунингдек, уларнинг келгусидаги шарафли ва масъулиятли фаолиятларига улкан муваффақиятлар сўраб хайрли дуолар қилинди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 