30 Июл, 2025, 5 Сафар, 1447
30 Июл, 2025, 5 Сафар, 1447
Илм келажакка тикилган энг яхши сармоя. Ёш авлодни билимли қилиш миллат буюклигига хизмат қилади. Шу мақсадда ёшларнинг илм олиши ва жамият учун фойдали инсон бўлишига мамлакатимизда жуда катта эътибор қаратилмоқда.
Мана шундай эзгу ниятлар йўлида янги ўқув йили бошланиши олдидан республикамизда фаолият юритаётган имом-хатиблар саховатпеша инсонларни жалб қилган ҳолда эҳтиёжманд оилаларнинг 10 минг нафар фарзандига қарийб 3 миллиард сўмлик мактаб формаси, ўқув қуроллари ва сумкалар ҳадя қилдилар.
Таъкидлаш жоизки, бундай хайрли тадбирлар кўплаб эҳтиёжманд оилалар мушкулини осон қилиб, фарзандларини кўнглини шод этиши баробарида илм олишлари учун жуда катта кўмак бўлди.
Дарҳақиқат, Аллоҳ таоло сўнгги пайғамбари Муҳаммад алайҳиссаломга биринчи нозил қилган ваҳийси, Қуръони каримнинг энг аввалги оятларида бутун инсониятни ўқиш, илм олиш ва ёзишга буюриб: “Ўқинг (эй, Муҳаммад! Бутун борлиқни) яратган зот бўлмиш Раббингиз исми билан! (У) инсонни лахта қондан яратди. Ўқинг! Раббингиз эса карамлидир. У инсонга қалам билан (ёзишни ҳам) ўргатди. У инсонга билмаган нарсаларини билдирди”, деган (Алақ, 1-5).
Шунингдек, барчамизга маълум бўлган ҳадиси шарифда Расулуллоҳ соллаллоҳу алайҳи ва саллам: “Илм талаб қилиш ҳар бир мусулмонга фарздир”, деганлар (Имом Аҳмад ривояти).
Демак, илм олмоқчи бўлган ўқувчи ёшларнинг таълим олишига китоб ва дафтарлар олиб бериш, зарурий ўқув қуроллари билан таъминлаш ҳам улкан савобли амаллардандир. Айниқса, кимки моддий ёрдамга муҳтож ўқувчига ҳомийлик қилса, унга ҳам талабанинг савобидек, ажр-мукофот берилади, дея умид қилинади. Пайғамбаримиз соллаллоҳу алайҳи васаллам: “Яхшиликка далолат қилувчи-ундовчи ўша яхшиликни қилувчи каби ажр олур”, деганлар (Имом Термизий ривояти).
Азизлар, қўли очиқ кишилар илм олувчи ёшлардан хабар олиб, уларни моддий жиҳатдан таъминлаб турсалар, ажр устига ажр бўлади. Маълумки, илм ривожи учун сарфланган маблағлар куни келиб, юрт тараққиёти ва халқ фаровонлигига хизмат қилиши баробарида икки дунё саодатига омил бўлади.
Ўзбекистон мусулмонлари идораси
Матбуот хизмати
Бугун, 30 июль куни пойтахтимиздаги Шайх Муҳаммад Содиқ Муҳаммад Юсуф жоме масжидида Тошкент Ислом институтининг модуль таълим тизимига 2025-2026 ўқув йили учун кириш имтиҳонлари бошланди.
Мазкур таълим йўналишига ўрта махсус ислом таълим муассасаларини муваффақиятли тамомлаган, шунингдек, 4 йил ва ундан ортиқ муддат давомида диний соҳада фаолият юритган имом-хатиб ва имом ноиблари ҳужжат топширган.
Имтиҳон олди мутасаддилар томонидан тест имтиҳонини ўтказиш тартиби ва баҳолаш мезонлари батафсил тушунтирилди. Асосий эътибор адолат ва шаффофликни таъминлашга қаратилган бўлиб, имтиҳон жараёнига соҳа мутахассислари билан бир қаторда турли ташкилотлар вакиллари ҳам жалб этилган.
Модуль таълим тизимига кириш истагида бўлган номзодлар қуйидаги иккита асосий йўналиш бўйича ўз билимларини синовдан ўтказади:
* Ихтисослик фанлар мажмуаси: Қуръони карим ва тажвид, ҳадис, фиқҳ, ақоид каби муҳим фанлар;
* Ижтимоий-гуманитар фанлар мажмуаси: Ўзбекистон тарихи, Маънавият асослари, Миллий ғоя каби фанлар бўйича.
Маълумот ўрнида мандат натижалари барча олий ва ўрта махсус диний таълим муассасаларига кириш имтиҳонлари ўтказилгандан сўнг 3 иш кунида эълон қилинади.
Имтиҳон жараёнига оид тезкор янгиликлар @qabulmuslimuz телеграм каналида ёритиб борилади.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 