13 Ноябр, 2025, 22 Жумадул аввал, 1447
13 Ноябр, 2025, 22 Жумадул аввал, 1447
Мамлакатимизда давлат органлари ва турли ташкилотларни малакали ҳуқуқшунос кадрлар билан таъминлаш, юридик хизмат ходимларининг касбий тайёргарлигини юксалтириш ҳамда уларни қайта тайёрлашни тубдан яхшилаш масаласига жиддий эътибор қаратилмоқда.
Шу муносабат билан Ўзбекистон мусулмонлари идорасининг ҳудудий вакилликлари юристлари учун меҳнат қонунчилигидаги сўнгги янгилик ва муҳим мавзуларга бағишланган бир хафталик малака ошириш курси ташкил этилди.
Қисқа муддатли малака ошириш давомида “Юрист ва кадр” нодавлат таълим муассасасининг малакали ўқитувчиларининг соҳага доир маърузалари тингланди.
Шунингдек, ҳуқуқшуносларимиз ўзларини қизиқтирган саволларга атрофлича жавоб олди.
Ўзбекистон мусулмонлари идораси
Матбуот хизмати
Ўзбекистон мусулмонлари идораси Олий Ҳайъатининг жорий йил 27 октябрдаги йиғилиши баёнининг 10-банди ижросини таъминлаш мақсадида Тошкент шаҳридаги туманлар иш юритувчилари билан маҳорат дарси ташкиллаштирилди.
Унда Ҳуқуқшунослик бўлими бошлиғи Жаҳонгир Ҳотамов масжидлар раҳбар органлари таркибидаги ўзгаришлар тўғрисида адлия органларига бир ой ичида маълумот бериши, масжид устав ва гувоҳномаларини сақлашда эътиборли бўлиш, имом-хатиб ё ноиблар беш вақт намозларда иш жойида бўлиши шартлигини таъкидлади.
Бўлим етакчи мутахассиси Элёр Миноваров масжидларда қурилиш-таъмирлаш ишларида лойиҳа ҳужжатларини ваколатли идоралар билан олдиндан келишиш лозимлигини эслатиб ўтди.
Ўзбекистон мусулмонлари идораси тизимидаги ташкилотларда қонун ҳужжатлари талабларига амал қилиш ва ҳуқуқий саводхонликни ошириш чора-тадбирларига бағишланган мазкур тадбир савол-жавобларга бой бўлди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 