04 Декабр, 2024, 03 Жумадул сони, 1446
04 Декабр, 2024, 03 Жумадул сони, 1446
Хабарингиз бор, Ўзбекистон мусулмонлари идораси раиси, муфтий Шайх Нуриддин Холиқназар хазратларининг ташаббуслари билан Республикамиздаги масжидларда фаолият олиб бораётган имом-хатиб ва имом ноибларининг Қуръон қироати бўйича билим ва кўникмаларини янада ривожлантириш мақсадида жорий йилнинг сентябрь ойида тажвид илми бўйича ўқув-амалий машғулотлари бошланган эди.
Мазкур ўқув-амалий машғулотларининг навбатдагиси шу йил 27 ноябрь куни Қорақалпоғистон Республикасида фаолият олиб бораётган имом-хатиб ва имом ноиблар учун Нукус шаҳридаги "Имом Эшон Муҳаммад" жоме масжидида бўлиб ўтди.
Ўқув машғулотида "Қуръон ва тажвидни ўргатиш" бўлими мудири Шайх Алижон қори Файзуллоҳ Махдум ҳам иштирок этиб, тингловчиларга керакли тавсияларни берди.
Шу куннинг ўзида Нукус шаҳридаги "Муҳаммад ибн Аҳмад ал-Беруний" мадрасасида ҳам “Қуръон ва тажвидни ўргатиш” бўлими мудири Шайх Алижон қори Файзуллоҳ Махдум иштирокида талабалар билан илмий суҳбат бўлиб ўтди.
Суҳбат асносида мадрада талабалари Қуръон тажвиди борасидаги саволларига батафсил жавоб олди.
Ўзбекистон мусулмонлари идораси
Матбуот хизмати
Шу йил 7-11 декабрь кунлари Миср давлатида "31-халқаро Қуръон мусобақаси" бўлиб ўтади.
Мазкур мусобақада Тошкент шаҳар Мирзо Ууғбек тумани "Олтинтепа" жоме масжиди имом ноиби Олимжонов Ҳабибуллоҳ қори Қуръон мусобақасида қатнашади. Вакилимиз эртага Миср шаҳрига жўнаб кетади.
Шу муносабат билан Ҳабибуллоҳ қори бугун 4 декабрь куни "Қуръон ва тажвидни ўргатиш" бўлимига келиб, бўлим мудири Шайх Алижон қори Файзуллоҳ Махдумдан керакли кўрсатма ва хайрли дуоларни олди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 