29 Январ, 2026, 10 Шаъбон, 1447
29 Январ, 2026, 10 Шаъбон, 1447
Ўзбекистон Республикаси Марказий банки Исломий молиявий хизматлар Кенгашига аъзо бўлди.
Кенгаш фаолияти исломий молия институтларини тартибга солиш ва назорат қилиш бўйича халқаро стандартларни ишлаб чиқиш, самарали корпоратив бошқарув механизмлари ва риск-менежмент тизимини жорий қилиш, шунингдек, мазкур соҳада кадрлар салоҳиятини ошириш, тадқиқотлар олиб бориш ҳамда ушбу масалаларда Кенгашга аъзо ташкилотларга кўмаклашишга қаратилган.
Мазкур ташкилотга аъзолик бошқа мамлакатлар тажрибасини ўрганиш ва мамлакатимизда исломий молия институтлари фаолиятини тартибга солиш ва назорат қилиш соҳасида илғор халқаро тажрибани жорий этиш имконини беради.
Маълумот учун: Кенгаш 2002 йилда ташкил этилган бўлиб, бош офиси Куала-Лумпурда (Малайзия) жойлашган. Бугунги кунда Кенгашнинг 188 аъзоси, шу жумладан, 81 та тартибга солиш ва назорат қилувчи органлар, 10 та халқаро ҳукуматлараро ташкилот ва 97 та бозор иштирокчилари ҳисобланади. Шунингдек, Кенгашга Қозоғистон, Қирғизистон ва Тожикистон молиявий регуляторлари ҳам аъзо ҳисобланади.
Бугун, 28 январь куни Ҳидоя ўрта махсус ислом таълим муассасасида талабалар иштирокида маърифий-маънавий учрашув бўлиб ўтди. Суҳбат Ўзбекистон мусулмонлари идораси Наманган вилояти бош имом-хатиби Абдуллоҳ домла Саматов иштирокида ташкил этилди. Тадбирда муассаса директори Қобилжон домла Мирзабаев ҳамда талабалар қатнашдилар.
Учрашувда ёшларни илм-маърифатга чорлаш, вақтдан унумли фойдаланиш ва улуғ уламолар ҳаётидан ибратли мисоллар орқали сабр, ихлос ва доимий изланишнинг аҳамияти таъкидланди. Шунингдек, таълим жараёнида масъулиятли бўлиш ва илмни жамият манфаати йўлида ўрганиш бўйича тавсиялар берилди.
Тадбир якунида фаол ва интизомли 6 нафар талабанинг ҳар бирига 5 миллион сўмдан, шунингдек, 2 нафар талабанинг ҳар бирига 7,5 миллион сўмдан пул мукофоти ҳамда қимматбаҳо совғалар топширилди.
Шу билан бирга, таълим муассасаси ривожи учун 30 миллион сўм миқдорида моддий ёрдам ажратилди.
Ўзбекистон мусулмонлари идораси
Наманган вилояти вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 