22 Июл, 2026, 8 Сафар, 1448
22 Июл, 2026, 8 Сафар, 1448
Шу йилнинг 9 январь куни Ўзбекистон мусулмонлари идораси Бухоро вилояти вакили вилоят бош имом-хатиби Жобир домла Элов раҳбарлигида Вобкент туманида фаолият кўрсатаётган масжидлар имом-хатиб, имом-ноиб, маҳалла домлалари ва нуроний отахонлар иштирокида сайёр йиғилиш бўлиб ўтди.
Сайёр йиғилиш давомида барча имом-хатиб ва имом-ноиблар ўзларига бириктирилган МФЙлар билан мунтазам алоқада бўлиб, ёшлар тарбиясига катта эътибор қаратиши, илм-маърифатга қизиқтириш ва ёш авлод келажаги учун мустаҳкам пойдевор яратиш кабиларни алоҳида таъкидланди. Шундан сўнг барча имом-хатиблар маҳалла нуронийлари билан ўзларига бириктирилган маҳаллаларга чиқишди.
Шу куннинг ўзида сайёр қабул иштирокчилари 50 дан ошиқ хонадон ҳолидан хабар олди. Жумладан, Кўлиодина маҳалласида яшовчи юз ёшни қаршилаган меҳнат фахрийларини зиёрат қилди. Сўнгра шу маҳаллада истиқомат қилувчи биринчи гуруҳ ногиронлари, моддий кўмакка мухтожлар, ижтимоий кўмакка муҳтожларнинг хонадонларидан хабар олиниб, маънавий-маърифий суҳбатлар уюштирилди ва ҳомийлар иштирокида моддий жиҳатдан кўмаклар берилди.
Шунингдек, Вилоят бош имоми раҳбарлигида ҳамда Вобкент туманидаги имом-хатиблар иштирокида 2024 йил замонавий лойиҳалар асосида қурилган 120 ўринли 12-мактабгача таълимда ватанимиз келажаги бўлмиш жажжи болалар билан учрашиб, уларга хурсандчилик улашилди.
Куннинг иккинчи қисмида вилоят бош имом-хатиби Жобир домла Элов тумандаги Абдулазизхон жоме масжидида пешин намозида бўлиб, йиғилган жамоатга "Шукроналик", "Соф ислом таълимоти", "Тинчлик неъмати" мавзуларида маъвиза қилди ва кенг жамоат иштирокида юртимиз ҳаққига дуои хайрлар сўралди.
Ўзбекистон мусулмонлари идораси
Бухоро вилояти вакиллиги
Матбуот хизмати
Тошкент ислом институти магистратура таълим босқичининг илк битирувчиларига диплом топшириш маросимида Дин ишлари бўйича қўмита раиси Содиқ Тошбоев сўзга чиқиб, мамлакатимизда муҳтарам Президентимиз ташаббуслари билан диний таълим тизими мутлақо янги босқичга кўтарилганини алоҳида таъкидлади.
Қайд этилганидек, магистратура босқичини тамомлаётган ёш мутахассислар юқори илмий салоҳият, мустаҳкам билим ва амалий кўникмаларга эга бўлиб, бугунги кунда уларга нафақат диний соҳада, балки давлат ва жамоат ташкилотларида ҳам эҳтиёж мавжуд.
Шунингдек, диний таълим йўналишида берилган дипломларнинг давлат таълим тизимида тўлиқ тан олинаётгани, битирувчиларнинг илмий-тадқиқот фаолиятини давом эттириши учун кенг имкониятлар яратилгани ҳамда соҳада узлуксиз таълим тизими изчил йўлга қўйилгани қайд этилди.
Тадбирда диний-маърифий соҳада фаолият юритиш оддий касб эмас, балки юксак масъулият, ватанпарварлик, садоқат ва фидойиликни талаб этадиган шарафли хизмат экани таъкидланди. Илм аҳли зиммасида халқ маънавиятини юксалтириш, маърифатни кенг ёйиш ва жамиятда эзгу қадриятларни мустаҳкамлашдек улуғ вазифалар мужассам эканига урғу берилди.
Тадбир доирасида илмий фаолиятда юқори натижаларга эришган илк 10 нафар магистр Дин ишлари бўйича қўмитанинг Мақтов ёрлиғи ҳамда замонавий планшетлар билан тақдирланди.
Ушбу эътироф ёш мутахассисларнинг илм-фан йўлидаги изланишларини янада ривожлантириш, уларнинг юрт тараққиёти, халқимиз маънавий юксалиши ва фаровонлиги йўлидаги фаолиятига муносиб туртки бўлиб хизмат қилади.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 