Жорий йилнинг 10 май куни Андижон вилояти бош имом-хатиби Мирзамақсуд домла Алимов бошчилигида Қўрғонтепа туманидаги “Юнус Али Охунд” жоме масжидида вилоятнинг шаҳар ва туманлари бош имом-хатиблари, отинойилар ва ҳожилар иштирокида Қўрғонтепа тумани хамда Хонобод шаҳрида фаолият кўрсатаётган масжид имом-хатибларининг фаодият самарадорлигини ошириш юзасидан сайёр семинар йиғилиши ўтказилди.
Даставвал семинар иштирокчилари бўлган шаҳар-туман бош имом-хатиблар, отинойилар томонидан ўзларига бириктирилган хонадонларга кириб, аҳоли билан юзма-юз кўришиб, уларга маънавий ва моддий ёрдамлар кўрсатилди. Сўнг эса шаҳар-туман бош имом-хатиблари ўзларига бириктирилган масжидларда пешин намозини адо этиб, намозга келган жамоатга маърифий суҳбатлар қилиб бердилар.
Семинар йиғилишида эса нотиқлар томонидан Қўрғонтепа тумани хамда Хонобод шаҳридаги масжидларнинг фаолияти ҳақида кенг маълумотлар берилиб, туманида фаолият кўрсатаётган имом-хатибларнинг фаолият самарадорлиги ошириш бўйича керакли кўрсатма ва топшириқлар берилди.
Шунингдек, тумандаги Масжид имом-хатиблик фаолиятида намунали ва фаол мехнат қилаётган имом-хатиб вилоят бош имом-хатибининг ташаккурномаси ва эсдалик совғаси билан тақдирланди.
Семинар якунлангач эса, қозидомла бошчилигида масжид ҳудудига яхши ниятлар ила ўн туп манзарали дарахт кўчатлари ўтказилди.
Андижон вилоят вакиллиги Матбуот хизмати
Яқинлашиб келаётган муборак Қурбон ҳайити айёмига муносиб тайёргарлик кўриш мақсадида Сурхондарё вилоятидаги барча қабристон ва зиёратгоҳларда умумхалқ хайрия ҳашарлари юқори уюшқоқлик билан ташкил этилмоқда.
Мазкур савобли тадбирларда диний соҳа вакиллари ҳам алоҳида фаоллик кўрсатиб, ўзларининг муносиб ҳиссаларини қўшмоқдалар.
Жорий йилнинг 23 май куни вилоят ҳокимининг ўринбосари ҳамда вилоят бош имом-хатиби Расулжон домла Абдуллаев Жарқўрғон туманидаги “Маърифат” маҳалласида жойлашган “Мулло Ҳазрат” қабристонига ташриф буюрдилар.
Мутасаддилар у ерда олиб борилаётган тозалаш ва кўкламзорлаштириш ишлари жараёни билан яқиндан танишиб, ҳудудни янада тартибга келтириш ҳамда зиёратчилар учун барча зарур шарт-шароитларни яратиш бўйича масъулларга тегишли тавсия ва кўрсатмаларни бердилар.
Бу каби хайрли ҳашар тадбирлари айни пайтда вилоятнинг барча шаҳар ва туманларида қизғин давом этмоқда.
Ўзбекистон мусулмонлари идораси
Сурхондарё вилояти вакиллиги
Матбуот хизмати