Ўзбекистондаги Ислом цивилизацияси маркази экспозициясидан юзаси араб ёзувидаги оят, ҳадис ва ҳикматлар билан зийнатланган буюмлар муляжи ҳам ўрин олиши режалаштирилган. Жумладан, Марказ экспозициясидан жой олиши кутилаётган Х асрга оид "Аллоҳдан бошқа илоҳ йўқ” ёзуви туширилган кўза Сомонийлар сулоласи даврига мансуб артефакт ҳисобланади.

Ислом дини Марказий Осиёга тарқалгандан кейин  хаттотлик санъати шаклланиб ривожланди.  Рассомлик ўрнига хаттотлик санъатига кўпроқ эътибор берилди. Буюмлар юзасига ҳикматли сўзларни ёзиш урфга айланди ва араб ёзуви бошқа омиллар қаторида Ислом цивилизацияси шаклланишига туртки берди.

Ислом цивилизацияси маркази
Ахборот хизмати