29 Июл, 2025, 4 Сафар, 1447
29 Июл, 2025, 4 Сафар, 1447
Кавказ мусулмонлари идораси раиси Шайхулислом Оллоҳшукур Пошозода бошчилигидаги делегация Ўзбекистоннинг Боку шаҳрида янги қурилиб фойдаланишга топширилган элчихонасига ташриф буюрди, деб хабар қилмоқда "Дунё" АА мухбири.
Ташриф доирасида Ўзбекистон элчиси Бахром Ашрафхонов ва Кавказ мусулмонлари идораси раиси Шайхулислом Оллоҳшукур Пошозода ўртасида учрашув бўлиб ўтди.
Мулоқот чоғида Озарбайжон Президенти Илҳом Алиев ва Ўзбекистон Президенти Шавкат Мирзиёев ўртасида шаклланган яқин дўстлик ва самимий қардошлик муносабатлари икки давлат ўртасидаги кўп томонлама ҳамкорликни мустаҳкамлашга хизмат қилаётгани мамнуният билан қайд этилди. Мамлакатларимиз раҳбарларининг Бокудаги янги элчихона биносининг очилиш маросимида иштирок этиши давлатлараро яқин алоқалар рамзи сифатида муҳимлиги алоҳида таъкидланди.
Ўзбекистон Президенти Шавкат Мирзиёев таваллуд куни муносабати билан Шайхулислом Оллоҳшукур Пошозода ўзининг табрик мактуби топширди.
Кавказ мусулмонлари идораси раиси ўз табригида Президент Шавкат Мирзиёевнинг мамлакатимиз равнақи, унинг халқаро нуфузини мустаҳкамлаш, Ўзбекистон билан Озарбайжон ўртасида барқарор, ишончли ва қардошлик муносабатларини шакллантиришдаги беқиёс ролини алоҳида таъкидлади. Давлатимиз раҳбарининг узоқни кўзлаган сиёсати туфайли Ўзбекистон ишонч билан ривожланиб, мамлакатларимиз ўртасидаги икки томонлама муносабатлар иттифоқчилик даражасига кўтарилди.
Элчихонанинг янги биноси билан танишган Шайхулислом Оллоҳшукур Пошозода дипломатик миссия ходимларига эзгу тилакларини билдирди.
Кавказ мусулмонлари идораси раиси, шунингдек, элчихонанинг Фахрий меҳмонлар китобига самимий тилакларини ёзиб қолдирди.
"Dunyo" AA
Президент Шавкат Мирзиёев ташаббуси ва ғояси билан бунёд этилаётган Ўзбекистондаги Ислом цивилизацияси маркази қурилиши қурувчиларнинг фидойи саъй-ҳаракатлари натижасида якуний босқичда амалга оширилмоқда. Бир вақтнинг ўзида “Цивилизациялар, шахслар, кашфиётлар” концепцияси асосида 2000 дан ортиқ маҳаллий ва хорижлик олимлар, илм-фан, замонавий технологиялар мутахассислари, музейшунослар, тадқиқотчилар, дизайнерлар каби қатор соҳа вакиллари бирлашиб, контентларни тайёрлаш устида ҳам қизғин иш олиб боришмоқда. Бугун Марказ раҳбари, Илмий кенгаш раиси Фирдавс Абдухолиқов бошчилигида бўлиб ўтган навбатдаги йиғилишда бу борадаги ишларни жадаллаштириш учун “Долзарб 30 кунлик” эълон қилинди.
Кун тартибидан 20 дан ортиқ масала ўрин олган йиғилишда Марказ контентини бойитиш борасидаги ишлар, лойиҳалар ижроси, таҳлиллар доирасида фикр ва мулоҳазалар тингланди. Шунингдек, сўнгги босқичларда амалга оширилаётган экспозиция лойиҳаларини жадаллик билан якунига етказиш, камчиликларни бартараф этиш асосий масала сифатида кўрилди.
Марказ раҳбарияти ва илмий кенгаш аъзолари томонидан бугун Исломдан аввалги давр цивилизациялари тарихи, маданияти ва ҳаёт тарзини қамраб олган “Вақт девори” лойиҳаси доирасида яратилаётган олтита йирик барельеф композицияси, уларнинг умумий визуал концепцияси амалий муҳокамасида қайд этилган камчиликлар ҳам муҳокама қилинди.
Давлат раҳбари билдирган ишончни оқлаш ва топшириқлар ижросини ўз вақтида беками-кўст бажариш учун экспозициялардаги бу каби лойиҳаларни якунига етказиш мақсадида Кенгаш йиғилишида “Долзарб 30 кунлик” эълон қилинди. Бу давр мобайнида барча лойиҳаларнинг якуний босқичда амалга оширилишини таъминлаш устувор вазифа сифатида белгиланди.
— Президентимизнинг буюк ғоя ва ташаббуси атрофида бир мақсад йўлида олимлар, халқаро мутахассислар, дизайнерлар, рассомлар, муҳандислар бирлашган. Марказ контентини бойитиш доирасида зиммамизга қўйилган вазифаларни бажариш учун барчамиз бирдек юксак масъулият билан ишлашимиз талаб этилади. Шу муносабат билан "30 кунлик сафарбарлик" эълон қилишни таклиф этаман, — деди Ф.Абдухолиқов.
Кенгаш аъзолари ва йиғилиш қатнашчилари бир овоздан бу таклифни қўллаб-қувватлашди. Шунингдек, навбатдаги муҳим масалалар бўйича аниқ вазифалар белгилаб олинди.
Ислом цивилизацияси маркази Ахборот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 