13 Сентябр, 2026, 2 Рабиъус сони, 1448
13 Сентябр, 2026, 2 Рабиъус сони, 1448
Имом Бухорий номидаги Тошкент ислом институтида битирувчи курс аёл-қиз талабалари билан учрашув бўлиб ўтди. Унда Ўзбекистон мусулмонлари идораси раиси ўринбосари Муҳаммадолим Муҳаммадсиддиқов ва Хотин-қизлар масалалари бўйича бўлим бошлиғи Дилфуза Эгамова иштирок этди.
Учрашувда диний соҳадаги ислоҳотлар, битирувчиларни, хусусан аёл-қизларни иш билан таъминлаш, отинойиларнинг илмий-маърифий салоҳиятини ошириш ҳамда соф эътиқодни мустаҳкамлаш масалалари муҳокама қилинди.
Суҳбат якунида талабаларнинг саволларига жавоблар берилди ва битирувчиларнинг келгусидаги фаолияти учун яратилган имкониятлар ҳақида маълумот берилди.
Ўзбекистон мусулмонлари идораси
Матбуот хизмати
«Вақф» хайрия жамоат фонди Фарғона вилояти филиалининг фидойи ходимлари ва волонтёрлари томонидан саховатпеша халқимиз томонидан қилинган хайр-эҳсонлар эзгу мақсадлар йўлида сарфланмоқда.
Навбатдаги хайрия тадбири доирасида Учкўприк туманида яшовчи, жигар циррози касаллигига чалинган оғир бемор Казаков Илёсжон Ёқубовичнинг ҳолидан хабар олиниб, унга жарроҳлик амалиёти харажатлари учун 132 миллион 500 минг сўм миқдорида хайрия маблағи, озиқ-овқат маҳсулотлари жамланмаси, Мусҳаф ва бошқа эҳсонлар топширилди.
Бугун беморлар ва эҳтиёжманд инсонларга кўрсатилаётган бундай кўмак — халқимизнинг меҳр-оқибати, саховати ва ҳамжиҳатлигининг ёрқин ифодасидир.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 