29 Август, 2026, 16 Рабиъул аввал, 1448
29 Август, 2026, 16 Рабиъул аввал, 1448
#xabarlar
Жорий йилнинг 16 февраль куни Сурхондарё вилояти отинойилари учун "Юртимизда ижтимоий-маънавий муҳитни соғломлаштиришда отинойиларнинг ўрни" мавзусида семинар ўтказилди. Уни Сурхондарё вилояти бош отинойииси Х. Косимова очиб берди. Унда Ўзбекистон мусулмонлари идорасининг Хотин-қизлар масалалари бўйича бўлими бошлиғи Д.Эгамова ва мазкур бўлим етакчи мутахассиси М.Абубакировалар маъруза қилдилар.
Семинарда отинойиларнинг жамиятдаги ўрни ва масъулияти, отинойининг одоб-ахлоқ қоидалари, малака талаблари, маъруза қилиш меъёрлари мавзуларида суҳбат бўлди.
Шунингдек, маърака ва маросимларда бидъатларга йўл қўймаслик, исроф ва дабдабадан тийилиш, динимизнинг соф таълимотларига амал қилиш ҳақида атрофлича тушунчалар берилди.
Ёш авлодни турли ёт ғоялардан асраш, уларни тўғри йўлга бошлашда отинойиларнинг ибратли сўзи ва амали муҳим эканлиги қайд этилди.
Ўзбекистон мусулмонлари идораси Сурхондарё вилояти вакилининг Хотин кизлар масалалари бўйича ўринбосарнинг ёрдамчиси Ҳасанова Мафтуна Холматжоновна 2025 йилдаги фидокорона меҳнати ва диний-маърифий ишлар самарадорлигини оширишда қўшган ҳиссаси учун "ЭНГ ФИДОКОР ХОДИМ" мақтов ёрлиғи билан тақдирланди.
Шунингдек, бош отинойининг фаолиятидаги ҳужжатлар юритилиши ўрганилди ва зарур тавсиялар берилди.
Mumina.uz
Фазилатли шайх Муҳаммад Содиқ Муҳаммад Юсуф ҳазратлари қолдирган бой илмий мероси нафақат Ўзбекистонда, балки дунёнинг турли нуқталарида, хусусан, Ислом оламининг табаррук маскани бўлмиш Масжиди Набавий кутубхонасида ҳам сақланиб келяпти.
2017 йилда шайх ҳазратларининг бир қатор китоблари илк бор Масжиди Набавий кутубхонасига тақдим этилган эди. Шундан буён зиёратга борган ҳамюртларимиз ушбу кутубхонадан ҳазратнинг асарларини ўз она тилимизда мутолаа қилиш имкониятига эга бўлиб келишяпти.
Масжиди Набавий кутубхонаси масжиднинг 10-эшиги ёнида жойлашган. Кутубхонада 170 000 дан ортиқ китоб сақланади. Асосий адабиётлар араб тилида бўлсада, 20 дан ортиқ хорижий тиллардаги диний манбалар ҳам жамланган. Кутубхонадан бир вақтнинг ўзида 300 дан ортиқ китобхон фойдаланиши мумкин.
Кутубхонада хорижий тиллардаги адабиётлар учун алоҳида хона ажратилган. У ерда инглиз, рус, француз каби жаҳон тиллари қаторида ўзбек тили бўлими ҳам бор. Ушбу бўлимда шайх Муҳаммад Содиқ Муҳаммад Юсуф ҳазратларининг қаламларига мансуб 50 дан ортиқ асар бор. Жумладан:
– «Ҳадис ва Ҳаёт» силсиласи;
– «Тафсири Ҳилол»;
– «Кифоя»;
– «Руҳий тарбия»;
– «Зикр аҳлидан сўранг»;
– «Одоблар хазинаси»;
– «Хислатли ҳикматлар шарҳи»;
– «Бахтиёр оила» ва бошқалар.
@islomuz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 