Сайт тест ҳолатида ишламоқда!
28 Июл, 2026   |   14 Сафар, 1448

Тошкент шаҳри
Бомдод
03:38
Қуёш
05:09
Пешин
12:35
Аср
17:35
Шом
19:49
Хуфтон
21:16
Bismillah
28 Июл, 2026, 14 Сафар, 1448

Хушхабар: минг йиллик нодир асар ўзбек тилида

12.03.2026   24655   1 min.
Хушхабар: минг йиллик нодир асар ўзбек тилида

#xushxabar #yangi_nashr
 

Юртимиз алломалари қолдирган бебаҳо илмий асарларни ўрганиш, уларни она тилимизга таржима қилиб халқимизга етказиш бугунги куннинг муҳим масалаларидан. 


Улуғ ватандошимиз, қомусий олим Имом Абулқосим Маҳмуд ибн Умар Замахшарий раҳматуллоҳи алайҳнинг “Мақомоти Замахшарий” асари ана шундай қимматли манбалардан бири ҳисобланади. 


Орадан қарийб минг йил ўтганига қарамай ҳалигача аҳамиятини йўқотмай келаётган ушбу нодир асар Ўзбекистон мусулмонлари идораси раисининг биринчи ўринбосари, устоз Ҳомиджон қори Ишматбеков томонидан таржима қилиниб, нашр этилди.

Ушбу асар элликта мақомадан иборат бўлиб, унда ҳар бир мусулмон кишида бўлиши талаб этиладиган поклик, қаноат, нафс тарбияси, иффат, дўстлик, тақво, сабр, шукр, Аллоҳдан қўрқиш каби гўзал одоблардан намуналар баён қилинган.


Араб тилига қизиқувчи, келажакда тилшунос бўлиш истагида бўлганлар учун ҳам муҳим манба бўлган ушбу асарни Аллоҳ таоло халқимизга муборак айласин!


Маълумот ўрнида, "Мақомати Замахшарий" китобини юртимиздаги китоб дўконлари ҳамда "Шамсиддинхон Бобохонов" нашриёт матбаа ижодий уйидан харид қилиш мумкин. (Боғланиш рақамлари: +998712273430, +998998391607).


Ўзбекистон мусулмонлари идораси
Матбуот хизмати

Бошқа мақолалар
Янгиликлар

БАА "Манара" марказининг Ўзбекистондаги вакили тайинланди

28.07.2026   1109   1 min.
БАА

Ўзбекистондаги Ислом цивилизацияси марказида Бирлашган Араб Амирликларининг “Манара” бағрикенглик ва мулоқот маркази доимий ваколатхонаси ўз фаолиятини бошлади.


Марказ раиси доктор Али Рашид Ал Нуаймийнинг расмий мактубига кўра, Имом Мотуридий халқаро илмий-тадқиқот маркази илмий котиби Жасур Нажмиддинов “Манара” марказининг Ўзбекистондаги вакили этиб тайинланди.


Ушбу ваколатхона юртимиз ва халқаро илмий ҳамжамият ўртасидаги алоқаларни кенгайтириш, қўшма илмий лойиҳалар, тадқиқотлар ва тажриба алмашинувини янги босқичга олиб чиқишга хизмат қилади.

Ўзбекистон мусулмонлари идораси
Матбуот хизмати

БАА
Дунё янгиликлари