Сайт тест ҳолатида ишламоқда!
29 Июл, 2026   |   15 Сафар, 1448

Тошкент шаҳри
Бомдод
03:40
Қуёш
05:10
Пешин
12:35
Аср
17:34
Шом
19:48
Хуфтон
21:15
Bismillah
29 Июл, 2026, 15 Сафар, 1448

ЛОНДОНДА РАМАЗОН ТАДБИРЛАРИ КЎТАРИНКИ РУҲДА ЎТКАЗИЛМОҚДА

13.03.2026   21505   1 min.
ЛОНДОНДА РАМАЗОН ТАДБИРЛАРИ КЎТАРИНКИ РУҲДА ЎТКАЗИЛМОҚДА

Буюк Британиянинг Лондон шаҳрида муқаддас Рамазон ойи муносабати билан ватандошлар иштирокида маънавий-маърифий тадбирлар кўтаринки руҳда ташкил этилмоқда.

Жумладан, Лондон шаҳрининг Бекслей ҳудудида Ал-Хоразмий маркази томонидан ташкил этилган тадбирда 80 га яқин ватандошимиз иштирок этди. Дастлаб ифторлик дастурхони ёзилиб, сўнг таровеҳ намози адо этилди.

Ифторлик ва таровеҳ намози орасида “Ислом инсонийлик динидир” мавзусида маънавий-маърифий суҳбат бўлиб ўтди. Иштирокчиларни қизиқтирган саволларга жавоблар берилди.

Шунингдек, Лондон шаҳрининг Жанубий Вудфорд ҳудудида жойлашган Central Asia Community (Марказий Осиё жамоаси)да ҳам ифторлик тадбири ўтказилди. Унда 250 нафарга яқин ватандош қатнашди. Йиғинда “Ислом – тинчлик ва гўзал ахлоқ дини” мавзусида маъруза қилиб берилди.
Суҳбат ва маърузалар Тошкент шаҳридаги “Имом Термизий” масжиди имом-хатиби Яҳё домла Абдураҳмонов томонидан олиб борилмоқда. Таровеҳ намозларида Қуръони карим хатми ҳам адо этилмоқда.

Бундай маънавий-маърифий тадбирлар хорижда истиқомат қилаётган ватандошларни бирлаштириб, улардаги ватанпарварлик ҳиссини оширишга, ўзаро меҳр-оқибат, ҳамжиҳатлик муҳитини янада оширишга хизмат қилмоқда.

Ўзбекистон мусулмонлари идораси 
Матбуот хизмати

ЛОНДОНДА РАМАЗОН ТАДБИРЛАРИ КЎТАРИНКИ РУҲДА ЎТКАЗИЛМОҚДА ЛОНДОНДА РАМАЗОН ТАДБИРЛАРИ КЎТАРИНКИ РУҲДА ЎТКАЗИЛМОҚДА ЛОНДОНДА РАМАЗОН ТАДБИРЛАРИ КЎТАРИНКИ РУҲДА ЎТКАЗИЛМОҚДА ЛОНДОНДА РАМАЗОН ТАДБИРЛАРИ КЎТАРИНКИ РУҲДА ЎТКАЗИЛМОҚДА
Бошқа мақолалар
Янгиликлар

Хоразмда имомлар ўртасида "Заковат" ва спорт мусобақалари ўтказилди

29.07.2026   2155   1 min.
Хоразмда имомлар ўртасида

Ўзбекистон Республикаси Давлат мустақиллигининг 35 йиллиги муносабати билан Ўзбекистон мусулмонлари идораси Хоразм вилояти вакиллиги томонидан имом-хатиб ва имом-ноиблар ўртасида «Заковат» интеллектуал беллашуви ҳамда стол тенниси бўйича спорт мусобақаси ташкил этилди.


Диний соҳа ходимларининг интеллектуал ва жисмоний салоҳиятини ошириш, соғлом турмуш тарзини тарғиб қилиш ва ўзаро ҳамжиҳатликни мустаҳкамлаш мақсадида ўтказилган тадбирлар қизғин баҳсларга бой бўлди.


Мусобақалар якунига кўра ғолиб ва совриндорлар аниқланди:


«Заковат» беллашувида:

  • 1-ўрин — Урганч шаҳри жамоаси;

  • 2-ўрин — Боғот, Тупроққалъа ва Гурлан туманлари жамоалари;

  • 3-ўрин — Янгиариқ ва Шовот туманлари жамоалари.


Стол тенниси турнирида:

  • 1-ўрин — Жумамуродов Жумамурод (Урганч шаҳри «Охун бобо» масжиди имом-ноиби);

  •  2-ўрин — Отажонов Давронжон (Қўшкўпир тумани «Шайх Абдулла» масжиди имом-хатиби);

  • 3-ўрин — Раҳматуллаев Зиёвуддин (Боғот тумани «Бежганик бобо» масжиди имом-ноиби).

Ғолиб ва совриндорлар ташкилотчилар томонидан диплом, эсдалик совғалари ҳамда қимматбаҳо туҳфалар билан муносиб рағбатлантирилди.

Аллоҳ таоло юртимиз тинчлиги ва халқимиз фаровонлиги йўлида хизмат қилаётган диний соҳа ходимларининг эзгу саъй-ҳаракатларига муваффақиятлар ато этсин. 
 

Ўзбекистон мусулмонлари идораси

Хоразм вилояти вакиллиги
Матбуот хизмати

Хоразмда имомлар ўртасида Хоразмда имомлар ўртасида Хоразмда имомлар ўртасида Хоразмда имомлар ўртасида
Ўзбекистон янгиликлари