25 Август, 2026, 12 Рабиъул аввал, 1448
25 Август, 2026, 12 Рабиъул аввал, 1448
• Биринчи босқич:
1. «Ақийдатут Таҳовийя» матни;
2. «Ақоидун Насафийя» матни;
3. «Бадъул амолий» матни.
• Иккинчи босқич:
1. «Бадъул амолий» шарҳи. Шайх Абдулҳамид Туркмонийнинг таълиқотлари билан ўрганилса, яна ҳам яхши.
• Учинчи босқич:
1. «Тамҳид ли қоваидит тавҳид» — Имом Абус-Сано Маҳмуд Ломиший роҳимаҳуллоҳ.
- Ушбу босқичдаги кўмакчи китоблар:
1. «Баҳрул калом» — Имом Абул-Муъийн Насафий роҳимаҳуллоҳ.
2. «Усулуд дин» — Имом Жамолиддин Ғазнавий роҳимаҳуллоҳ.
3. «Ал-бидоя минал кифоя фил ҳидоя фи усулуд дин» — Имом Нуруддин Собуний роҳимаҳуллоҳ.
• Тўртинчи босқич:
1. «Умдатул ақоид» — Имом Абул-Барокат Насафий роҳимаҳуллоҳ.
- Ушбу босқичдаги кўмакчи китоблар:
1. «Усулуд дин» — Имом Баздавий роҳимаҳуллоҳ.
2. «Ал-Ҳодий фи усулуд дин» — Имом Жамолиддин Умар ал-Хаббозий роҳимаҳуллоҳ.
3. «Лубобул калом» — Имом Алоуддин Асмандий роҳимаҳуллоҳ.
4. «Ал-Кифоя фил ҳидоя» — Имом Нуруддин Собуний роҳимаҳуллоҳ.
• Бешинчи босқич:
1. «Шарҳул ақоидин Насафий» — Имом Тафтазоний роҳимаҳуллоҳ.
- Ушбу босқичдаги кўмакчи китоблар:
1. «Табсирутул адилла» — Имом Насафий роҳимаҳуллоҳ.
2. «Ал-Мусаяро» — Имом Ибнул Ҳумом роҳимаҳуллоҳ.
◇ «Ақийдатут Таҳовийя» асарининг муҳим шарҳлари:
1. «Шарҳу ақийдатут Таҳовийя» — Имом Шужоъуддин Туркистоний роҳимаҳуллоҳ.
2. «Шарҳу ақийдатут Таҳовийя» — Имом Ғазнавий роҳимаҳуллоҳ.
3. «Шарҳу ақийдатут Таҳовийя» — Имом Абдулғоний ал-Майдоний роҳимаҳуллоҳ.
4. «Ан-нурул ломеъ вал бурҳонис сотеъ фи шарҳит Таҳовийя» — Имом Абул-Фазоил Носирий ал-Ҳанафий роҳимаҳуллоҳ.
Доктор Ҳамза Бакрий ҳафизаҳуллоҳ
Ўзбекистонда ноёб Қуръон яратиш бўйича жаҳон хаттотлар танлови 26 август куни Ўзбекистондаги Ислом цивилизацияси марказида эълон қилинади. Танлов «Ислом цивилизацияси: янги нигоҳ — янги кашфиётлар» халқаро медиафоруми доирасида ўтказилади, хабар бермоқда UzDaily.uz.
«Дунё Қуръони: хаттотлик анъаналаридан — келажак мероси сари» лойиҳасини хаттот ва Ислом цивилизацияси маркази ҳузуридаги Хаттотлик мактаби директори Ҳабибулло Солиҳ тақдим этади. Бу ҳақда тадбир ташкилотчиси хабар берди.
Танлов доирасида турли мамлакатлар ва хаттотлик мактабларининг исломий хаттотликдаги энг яхши анъаналарини бирлаштирган ноёб Қуръон яратиш кўзда тутилган.
Танловнинг тантанали эълони «Асрларни бирлаштирувчи мерос. Ислом цивилизациясининг маънавий мазмунлари» мавзусидаги ялпи сессиянинг якуний қисми бўлади. Сессия 26 август куни соат 09:30 дан 12:00 гача ўтказилади.
Тадбир доирасида оммавий ахборот воситаларининг стереотиплар ва исломофобияни енгишдаги ролига бағишланган халқаро муҳокама ҳам бўлиб ўтади. Унда Ислом ҳамкорлик ташкилоти, Жазоир, Уммон, Покистон, Саудия Арабистони, Ироқ, Мали ва Ўзбекистоннинг давлат тузилмалари ҳамда ОАВ вакиллари иштирок этади.
Форум дастуридан Қуръоний ва қўлёзма меросга бағишланган лойиҳалар ҳам ўрин олган. Улар орасида «114 Қуръон: ислом оламининг 114 хаттотлик дурдонаси», «Катта Лангар Қуръони: ҳақиқат ва ривоятлар» халқаро лойиҳаси ҳамда «Сунъий интеллект — қадимий қўлёзмаларни ўқишнинг рақамли калити» лойиҳаси бор.
Ўзбекистонда хаттотликни ривожлантиришга институционал даражада ҳам эътибор қаратилмоқда. Ислом цивилизацияси маркази ҳузурида Президент Шавкат Мирзиёев ташаббуси билан ташкил этилган Хаттотлик мактаби фаолият юритмоқда. Мактабда сулс, насх, настаълиқ, руқъа, девоний ва куфий каби анъанавий ёзув услубларини ўргатиш режалаштирилган.
Хаттотлик санъати Самарқанд вилоятидаги янги Имом ал-Бухорий мажмуасида ҳам намоён этилган. Мажмуа пештоқлари ва айвонлари деворлари «Саҳиҳ ал-Бухорий»дан олинган ҳадислар битилган ёзувлар билан безатилган. Мажмуа ҳузурида Имом Бухорий халқаро илмий-тадқиқот маркази ва Ҳадис илмий мактаби ҳам фаолият юритади.
Халқаро медиафорумнинг асосий майдони Ўзбекистондаги Ислом цивилизацияси маркази бўлади.
Тадбирда қарийб 50 мамлакатдан медиа ва экспертлар ҳамжамиятининг 300 га яқин вакили иштирок этади. Улар орасида медиакомпаниялар, ахборот агентликлари ва телеканаллар раҳбарлари, журналистлар, продюсерлар, олимлар ҳамда креатив индустрия мутахассислари бор.
Ўзбекистон мусулмонлари идораси матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 