Mashhur Sotheby's auktsion uyi musulmonlar uchun dunyodagi eng muhim joylarning dastlabki tasvirlarini sotuvga qo'ydi. Ular orasida Makkaning panoramali ko'rinishi bilan 1791 yilga tegishli gravyura bor, deb xabar bermoqda islam.ru.
O'z vaqti uchun eng katta hisoblangan 430 x 865 mm o'lchamdagi gravyurada hajga kelgan ziyoratchilar tasvirlangan. Bu ajoyib gravyura 12-18 ming funt sterlingga baholanmoqda.
Akvarel' va guashda tayyorlangan musulmon qadamjolari bilan yana ikkita kartina ham onlayn tarzda kimoshdi savdosiga qo'yiladi. Ulardan biri Madinaning panoramali ko'rinishini ko'rsatadi. Boshqasida Ka'ba va Al-harom masjidi tasvirga tushirilgan. Ikkala kartina ham 1840 yilda chizilgan.
O'zbekiston musulmonlari idorasi matbuot xizmati
Muborak Qurbon hayiti munosabati bilan yurtimizning barcha hududlarida mehr-muruvvat, xayriya va saxovat tadbirlari keng ko‘lamda tashkil etilmoqda. Xususan, O‘zbekiston musulmonlari idorasi hamda “Vaqf” xayriya jamoat fondi vakillari joylarda bo‘lib, ehtiyojmand va kam ta’minlangan oilalar holidan xabar olmoqda hamda ularning ko‘ngillarini ko‘tarishga alohida e’tibor qaratmoqda.
Shunday xayrli tadbirlardan biri Buxoro viloyatida ham yuqori saviyada tashkil etildi. “Vaqf” xayriya jamoat fondi Buxoro viloyati filiali rahbari, Buxoro shahridagi “Mohitobon” masjidi imom-xatibi Azizbek domla Ashurov boshchiligida hududdagi bir qator ehtiyojmand xonadonlarga bayramona kayfiyat ulashildi.
Muruvvat tadbiri doirasida quyidagi xayrli ishlar amalga oshirildi:
Ijtimoiy reyestrga kiritilgan 50 ta ehtiyojmand oila vakillari uchun maxsus ehson dasturxoni yozilib, ularga bayram sovg‘alari topshirildi.
Hududda istiqomat qiluvchi ko‘makka muhtoj oilalarning yashash joylariga bevosita tashrif buyurilib, kundalik ehtiyoj uchun zarur bo‘lgan ozi-ovqat mahsulotlari to‘plami yetkazib berildi.
Saxovat tadbirlari davomida tashkilotchilar xonadon egalarini yaqinlashib kelayotgan qutlug‘ ayyom — Qurbon hayiti bilan muborakbod etib, ularning haqqiga xayrli duolar qilishdi. Bu kabi tadbirlar yurtimizda insoniylik, oqibat va mehr-muruvvat tuyg‘ularini yanada mustahkamlashga xizmat qilmoqda.
O‘zbekiston musulmonlari idorasi
Buxoro viloyati vakilligi
Matbuot xizmati