Sulton Uvays Qaraniy ziyoratgohining tantanali ochilish marosimi bo'lib o'tdi
20.02.2021
1926
4 min.
2021 yil 20 fevral' kuni Namangan viloyati Chortoq tumani Baliqli ko'l qishlog'ida joylashgan Sulton Uvays Qaraniy ziyoratgohining ochilish marosimi bo'lib o'tdi.
Tantanali marosimda Namangan viloyati hokimligi, Vazirlar Mahkamasi huzuridagi Din ishlari bo'yicha qo'mita, Turizmni rivojlantirish davlat qo'mitasi, O'zbekiston musulmonlari idorasi vakillari qatnashdi.
Ma'lumki, Sulton Uvays Qaraniy ziyoratgohi Chortoq tuman markazidan 35 km uzoqlikdagi Baliqli ko'l qishlog'ida joylashgan. Ziyoratgohda islom olamining tabarruk avliyolaridan biri Sulton Uvays Qaraniyning maqbaralari mavjud.
Muhtaram Prezidentimiz 2017 yil 7 iyul' kuni Uvays Qaraniy ziyoratgohiga tashrif buyurganlaridan so'ng, ziyoratgohning 6 gektar maydonida obodonlashtirish va ko'kalamzorlashtirish ishlari amalga oshirilib, 1500 tupdan ortiq manzarali daraxtlar va gul ko'chatlari ekildi.
Sulton Uvays Qaraniy maqbarasi to'liq qayta qurildi.
1400 o'ringa mo'ljanlangan masjid va tahoratxona, maqbara yonida ayvon, zamonaviy mehmonxona, milliy muzey va kutubxona, 3 ta favvora, dam olish ayvonlari va xizmat ko'rsatish shoxobchalari qurildi.
Uvays Qaraniy ziyoratgohining janubiy tomonida onalari Bibi Naima ona ziyoratgohi joylashgan. Bibi Naima ona ziyoratgohida ham qurilish va bunyodkorlik ishlari amalga oshirildi. 4 gektar maydon obodonlashtirilib, 1000 tupdan ortiq manzarali daraxtlar ekildi. Bularning barchasi ziyoratgohning ko'rkiga ko'rk bag'ishlab turibdi.
Ushbu ziyoratgohning tantanali ochilish marosimida so'zga chiqqanlar Prezidentimiz tashabbusi bilan ushbu muborak maskan bugun o'zgacha chiroy ochgani, ziyoratchilar uchun barcha qulaylik va sharoitlar yaratilgani, keyingi 4 yil ichida mamlakatimizda qurilish sohasidagi yangi, zamonaviy jahon standartlariga to'liq javob beradigan binolar, inshootlar qad rostlayotgani, tarixiy obidalarimizni qurish va rekonstruktsiya qilishga alohida e'tibor qaratilayotganini ta'kidladilar.
Shuningdek, ushbu ziyoratgoh ziyorat turizmini rivojlantirish borasida navbatdagi muhim qadam bo'lgani, bir so'z bilan aytganda Namangan viloyatining tashrif qog'oziga aylanishi e'tirof etildi.
Shu kuni ishtirokchilar ziyoratgohdagi bunyodkorlik va qurilish ishlari bilan yaqindan tanishdilar.
Shundan so'ng, Sulton Uvays Qaraniyga bag'ishlangan ilmiy konferentsiya bo'lib o'tdi. Konferentsiya ishida 100 ga yaqin mahalliy va xorijlik olimlar, professor-o'qituvchilar on-layn tarzda ishtirok etdi.
Unda so'zga chiqqanlar so'nggi yillarda diniy-ma'rifiy sohada amalga oishirilayotgan keng ko'lamli islohotlar, ulug' allomalarimizning ibratli hayoti va boy ilmiy merosini o'rganish va xalqimizga etkazishning ahamiyati haqida to'xtalib, buyuk ajdodlarimiz qadamjolarining obod etilishi xalqimiz ma'naviyatining yanada yuksalishiga bois bo'layotganini qayd etdilar.
Tantanali ochilish marosimi doirasida majmuada Qurbonlik qilinib, tadbir ishtirokchilariga dasturxon yozilib, ezgu duolar qilindi.
“Ramazon oyi kirib kelganda inson o‘z nafsi bilan bir lahza to‘xtab, fikr yuritishi va tafakkur qilishi kerak. Chunki har bir Ramazon – Qur’oni karim bilan yangi sayohatdir. Men odatda bir sura yoki bir nechta oyatni tanlab, uning ma’nolari haqida chuqur o‘ylayman, sirlarini anglashga harakat qilaman.
Bu yil esa mening e’tiborimni bir oyati karima o‘ziga tortdi. U qalbimni larzaga soldi va Yaratgan Zotning buyuk qudratini yanada chuqur his qildirdi. Ushbu oyati karima insonni faqat qarashga emas, balki chuqur tafakkur qilishga chorlaydi.
Alloh taolo shunday marhamat qiladi:
“Axir ular tuyalarga qarab, qanday yaratilganiga boqmaydilarmi – u qanday yaratilgan?” (G‘oshiya surasi, 17–oyat).
Tuya – yer yuzini kezuvchi ajoyib mo‘jizakor hayvonlardan biridir. Keling, uning ba’zi hayratlanarli xususiyatlari haqida mulohaza qilaylik.
Tuya sho‘r suvni ham ichishi mumkin. Ammo shunga qaramay, uning tanasidagi muvozanat buzilmaydi. Chunki uning buyraklari juda mukammal tozalash tizimi kabi ishlaydi: suvni tuzdan ajratib, tanasiga toza holda yetkazadi.
Tuya qattiq tikanlarni ham bemalol iste’mol qila oladi. Bu esa uning og‘zi va hazm tizimi o‘ziga xos tarzda yaratilgani bilan bog‘liq. Shu sababli tikanlar unga zarar yetkazmaydi.
Tuyaning ko‘zlari ham juda ajoyib tarzda yaratilgan. Unda ikki xil qovoq bor: biri oddiy qovoq, ikkinchisi esa shaffof pardaga o‘xshaydi. Qum bo‘roni paytida shu shaffof qovoq yopilib, tuya yo‘lini ko‘rishda davom etadi, ammo ko‘ziga bir dona qum ham kirmaydi.
Uning yana bir ajoyib xususiyati - tanasi haroratini muhitga moslashtira olishidir. Sovuq joyda haroratini ko‘taradi, juda issiq sahroda esa pasaytiradi. Bu darajadagi moslashuv boshqa ayrim jonzotlarda uchramaydi.
Shuning uchun Qur’on karimda: “Ular tuyaga qaramaydilarmi – u qanday yaratilgan?” – deya tafakkurga chaqiriladi.
Bir oz diqqat bilan qaragan inson ushbu maxluqning har bir a’zosida Allohning qudrati namoyon ekanini ko‘radi. Go‘yoki uning har bir hujayrasi: “Bu Allohning yaratishidir”, deb guvohlik berayotgandek.
Olimlar aytadilarki, ushbu oyati karimada Alloh taolo inson e’tiborini tuya yaratilishidagi sirlarga qaratmoqda. Chunki unda tafakkur qilgan inson uchun tavhid (Allohni yagona deb e’tiqod qilish) ga eltuvchi dalillar va ilohiy qudratning belgilarini ko‘rish mumkin.
Haqiqiy ilm ahllari shuni ta’kidlashadi: tuya yaratilishi haqida tafakkur qilgan inson Qur’on karim tabiatiga bekorga ishora qilmaganini anglaydi. U inson aqlini oddiydek ko‘ringan, ammo ajoyib yaratilgan maxluqotlar orqali Alloh taoloning qudratini anglashga chaqirmoqda:
“Ey Robbim, Sen naqadar buyuksan! Kitobingdagi har bir oyat – nur,
yaratgan har bir maxluqing – dalil,
va har bir tafakkur – iymon eshiklaridan birini ochadi”.
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
