Ushbu vazifani amalga oshirish maqsadida «O'zbekgidroenergo» AJ Kapital bozorini rivojlantirish agentligi bilan hamkorlikni yo'lga qo'ydi, deb xabar bermoqda «Dunyo» AA.
«O'zbekgidroenergo» ma'lumotiga ko'ra, hamkorlik doirasida «O'zbekgidroenergo» AJning mahalliy va xorijiy kapital bozorlariga chiqishi bo'yicha hamkorlik qilish, qimmatli qog'ozlar, jumladan, Islom tamoyillariga asoslangan qimmatli qog'ozlarni chiqarish vazifalari amalga oshiriladi. Unga ko'ra, joriy yilning iyul'-avgust oylarida obligatsiyalarni chiqarish rejalashtirilmoqda.
Hozirgi kunda aktsiyadorlik jamiyati «yashil» islomiy obligatsiyalarni chiqarish bo'yicha izchil izlanishlar olib bormoqda. Hususan, bir qator nufuzli xorijiy investitsiya muassasalari, AQShning «Citibank», «JPMorgan Shase», Shveytsariyaning «Credit Suisse», Birlashgan Arab Amirliklarining «Emirates NBD», Frantsiyaning «Societe Generale» singari nufuzli banklari bilan islomiy obligatsiyalarni joylashtirish bo'yicha muzokaralar davom etmoqda.

O'zbekiston musulmonlari idorasi matbuot xizmati