Sayt test holatida ishlamoqda!
01 May, 2025   |   3 Zulqa`da, 1446

Toshkent shahri
Tong
03:51
Quyosh
05:21
Peshin
12:25
Asr
17:16
Shom
19:23
Xufton
20:47
Bismillah
01 May, 2025, 3 Zulqa`da, 1446

O'zini muhtoj qilib ko'rsatish odati - 56 qism

06.11.2023   1823   3 min.
O'zini muhtoj qilib ko'rsatish odati - 56 qism

Bunday kasallikka chalingan odam garchi ehtiyojiga zarur barcha narsalar bilan ta'minlangan bo'lsada, boshqalarning oldida o'zini tilanchi qilib ko'rsatadi.

 Muolaja uslubi

Bu illatdan xalos bo'lish uchun – inson o'z muammolari haqida odamlarga shikoyat qilmasligi va ularga muhtojligini ko'rsatmasligi kerak, hatto kambag'al bo'lsa ham. Zero, insonlarning aksariyati ko'p gapirishingizni yoqtirmaydilar. Agar ularga biror shikoyat yoki muammoingizni arz qilsangiz “Gapni ko'paytirmang” deyishadi. Lekin Robbimiz Alloh taolo siz Unga qancha ko'p gapirsangiz shuncha sizni ko'p yaxshi ko'radi.

Sevikli Payg'ambarimiz Rasululloh sollallohu alayhi vasallam jiyanlari Ibn Abbos roziyallohu anhuga: “So'rasang, faqat Allohdan so'ra!” deganlar. Shunday ekan, hamisha yolg'iz Allohga yuzlanib: “Men g'am va tashvishlarimdan yolg'iz Allohgagina shikoyat qilaman...”(Yusuf surasi, 86-oyat), deb ayting.

Anas ibn Molik roziyallohu anhudan rivoyat qilinadi. Rasululloh sollallohu alayhi vasallam: “Maxfiy sadaqa berish, boshiga tushgan qiyinchiliklardan odamlarga shikoyat qilmaslik va musibatlarini hech kim kimga bildirmaslik jannat xazinalaridandir”, dedilar.

Kim g'am-tashvishini odamlarga shikoyat qilsa, g'ami ziyoda bo'ladi. Kim g'am-tashvishini Allohga shikoyat qilsa, g'amdan forig' bo'ladi.

Bobom Ismoil ibn Nujayd: “O'tmishda tasavvuf olimlari muhtoj bo'lishsada, ammo boy bo'lib ko'rinardilar. Hozir aksincha, odamlarga kambag'allardek ko'rinishga harakat qilishadi”.

Bobni Abu Hamza al-Bag'dodiy rahimahullohning hikmatli so'zlari bilan yakunlaylik: “Kambag'allikdan qanoatlanish katta sinovdir, unga faqat siddiq (rostgo'y)lar bardosh bera oladilar”.

Abu Abdurahmon as-Sulamiyning
“Nafs illatlari va ularning muolajasi” kitobidan
Davron NURMUHAMMAD tarjimasi.

MAQOLA
Boshqa maqolalar
Yangiliklar

Iordaniyada diniy soha xodimlari kasb-mahorati oshiriladi

30.04.2025   4204   2 min.
Iordaniyada diniy soha xodimlari kasb-mahorati oshiriladi

Kecha, 29 aprel kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari xalqaro konferensiya doirasida Iordaniya bosh muftiysi Ahmad Ibrohim Hasanot hamda Qirol Abdulloh II nomidagi Imomlar malakasini oshirish instituti direktori Abdusattor Alquda bilan uchrashuv o‘tkazdilar.  

Muloqotda ikki davlat o‘rtasidagi hamkorlik yildan-yilga rivojlanib borayotgani, mamlakatlar rahbarlarining do‘stona aloqalari turli yo‘nalishlardagi munosabatlarga zamin bo‘layotgani, aloqalarni rivojlantirish bo‘yicha “Yo‘l xarita” ishlab chiqilgani, unda diniy ta’lim, zamonaviy fatvo ishlab chiqish bo‘yicha vazifalar belgilanganiga urg‘u qaratildi. Shuningdek, mehmonlarga Davlatimiz Rahbari sa’y-harakatlari bilan amalga oshirilayotgan diniy-ma’rifiy sohadagi islohotlar haqida ma’lumot berildi.   

Diniy idora Fatvo markazi ulamolari mazkur institutdagi o‘quvlarda muntazam ishtirok etib kelayotgani, iordaniyalik ulamolar mamlakatimizdagi anjumanlarda doimiy qatnashib kelayotgani, xususan, Islomiy ilmlar dorulfununi doktori Shayx Saloh Abul Hoj faolligi uchrashuvda alohida ta’kidlandi.

Iordaniya muftiysi zaminimizdan Imom Buxoriy, Imom Termiziy, Imom Moturidiy kabi mutafakkirlar yetishib chiqqani, yurtimiz ulamolari din rivojiga katta hissa qo‘shgani, Islom aqidasini himoya qilishdagi beqiyos xizmatlariga urg‘u qaratdi.

Ahmad Ibrohim Hasanot Samarqandda o‘tayotgan konferensiyaning dolzarbligi haqida gapirib, bugungi kunda moturidiylik ta’limotini chuqur o‘rganishni taqozo etayotgani, moturidiylik maktabining ilm-ma’rifat, mo‘tadillik va bag‘rikenglik g‘oyalarini keng targ‘ib etishdagi o‘rnini yuqori baholadi. Shuningdek, u o‘zbekistonliklar fayzu baraka, ilm-ma’rifatni arab olamidan emas, balki o‘zlarining o‘tmishdagi buyuk mutafakkirlari merosidan olishlari eng to‘g‘ri yo‘l ekanini izohladi.

Imomlar malakasini oshirish instituti direktori Abdusattor Alquda ushbu o‘quv dargohi masjid imom-xatiblari tayyorlanishi va ularning malakasi oshirish, diniy qadriyatlarni targ‘ib qilish, ekstremizm va buzg‘unchi g‘oyalarga qarshi kurashish ishlari bilan shug‘ullanishini bildirdi.

Uchrashuv nihoyasida zamonaviy fatvolarni ishlab chiqish, diniy soha xodimlari malakasini oshirish va ilmiy-tadqiqot olib borishda hamkorlikni rivojlantirishga kelishib olindi.

O‘zbekiston musulmonlari idorasi
Matbuot xizmati

Iordaniyada diniy soha xodimlari kasb-mahorati oshiriladi Iordaniyada diniy soha xodimlari kasb-mahorati oshiriladi Iordaniyada diniy soha xodimlari kasb-mahorati oshiriladi Iordaniyada diniy soha xodimlari kasb-mahorati oshiriladi Iordaniyada diniy soha xodimlari kasb-mahorati oshiriladi Iordaniyada diniy soha xodimlari kasb-mahorati oshiriladi Iordaniyada diniy soha xodimlari kasb-mahorati oshiriladi Iordaniyada diniy soha xodimlari kasb-mahorati oshiriladi
O'zbekiston yangiliklari