Islom olamida beqiyos aqida allomasi Toha Al-Dassuqiy Al-Hubayshiy vafot etdi.
Alloma juda ham yirik olim, mashhur shayxlardan bo'lish bilan birga, o'ta kamtarin, kichikko'ngil, muruvvatli, oliyjanob inson edilar. Fazilatlari beqiyos edi.
Shayxning ko'zlari a'mo bo'lsa‑da, ilmlari ummon edi. Uylari aylanasiga to'la kitob, ko'proq shogirdlar o'qib berishadi. U kishining yozgan kitoblari juda ham ko'p. Hususan, aqida, falsafa va tasavvufga oid asarlari mashhur va o'ta daqiq. Oxirgi kitoblaridan biri «Tahoviy aqidasi»iga yozgan sharhlari edi.
2018 yilda O'zbekistonga Misr arab Respublikasidan «Al-Azhar» universiteti Aqiyda va falsafa kafedrasi mudiri ustoz alloma Toha Dassuqiy Hubayshiy tashrif buyurgan edilar.
Doktor Toho Dascuqiy Hubayshiy Imom Buxoriy, Termiziy, Imom Moturidiy kabi buyuk allomalarning yurti, xususan Imom Buxoriyning maqbarasini ziyorat qilganidan behad xursand ekanini aytib o'tgan. U kishining O'zbekistonga, bu o'lka allomalariga bo'lgan muhabbatlari o'zgacha. «O'zbekistonga qilgan safarim» degan kitob yozib, nashr qildilar. Unda yurtimizning o'tmishi va buguni haqida juda ham yaxshi gaplar, qaynoq fikrlar yozilgan. Umuman olganda, Shayx vatanimizni, xalqimizni juda ham yaxshi ko'rar, o'ta hurmat qilar edilar.
Hubayshiy hazratlarining ko'zlari ojiz bo'lsa-da, qalb ko'zlari nurli edi. Ko'rishgan kishilarini ovozidan tanib olar ekanlar.
Allohim bu sadaqai joriyalarini qiyomatga qadar Islom ummati uchun bardavom manfaatli bo'lishini nasib etsin.
Alloh taolo ulug' allomaning barcha xayrli ishlarini, solih amallarini husni qabul aylab, O'z mag'firatiga olsin, oxiratlarini obod qilsin.
Innaa lillaahi va innaa ilayhi roji'uun!
Hazorasp tumanida yangidan qurib bitkazilgan “Hazrati Shayx Muxammad Amin” jome masjidining ochilish marosimi o‘tkazildi. Unda Xorazm viloyati bosh imom-xatibi Xayrulla domla Abdullayev, Hazorasp tumani hokimi Maqsudbek Abdullayev, shahar-tuman bosh imom-xatiblari va masjid imom-xatiblari, mahalla ahli jam bo‘lishdi.
Qur’oni karim tilovatidan so‘ng masjidning to qiyomatgacha Haq taologa ibodat qilinadigan sajdagoh bo‘lishini, xalqimiz e’tiqodi, ma’rifatini mustahkamlashda hidoyat va ziyo maskani bo‘lib xizmat qilishini so‘rab, bu xayrli ishga ko‘makchi bo‘lgan barcha ezgu niyatli kishilar haqiga duolar qilindi.
Ma’lumot o‘rnida zamonaviy talablarga javob beradigan, barcha qulayliklarga ega bo‘lgan mazkur masjid 1600 nafar namozxonga mo‘ljallangan.
O‘zbekiston musulmonlari idorasi
Xorazm viloyati vakilligi
Matbuot xizmati