Olti oydan ortiq vaqt ichida birinchi marta Madinadagi Nabaviy masjididagi Ravza jamoatchilikka ochildi. Har bir musulmon uchun alohida joy hisoblanmish Ravza mart oyida Qirollikdagi COVID-19 epidemiyasi tufayli yopilgandi. Garchi Nabaviy masjidi iyun' oyida namozxonlar uchun o'z eshiklarini ochgan bo'lsa-da, Ravzaga kirish ta'qiqi amalda bo'lib kelayotgan edi.
Islam.ru ma'lumotlariga ko'ra, bu kunda Madinada bo'lish baxtiga muyassar bo'lgan musulmonlar fursatdan foydalanib, Ravzada ibodat qilib, Payg'ambarimiz (sollallohu alayhi va sallam) ga o'z hurmatlarini bajo keltirdilar.
"Rabi ul-avval oyining birinchi tongida Ravzani ziyorat qilgan birinchi guruh ayollar orasida bo'lish baxtiga muyassar bo'ldim, - deydi 39 yoshli Hanan al-Jihaniy. - Bu favqulodda tajriba".
Jiddalik Eman Mahmud: "Bu albatta muborak oyning boshidagi muborak kundir. Nihoyat Muqaddas xonaga tashrif buyurib, Payg'ambarimiz (sollallohu alayhi va sallam) ni qutlashimiz mumkinligini eshitganimda juda xursand bo'ldim. Allohga hamdu sanolar bo'lsin! " - dedi.
Madina va Nabaviy masjidiga tez-tez tashrif buyuradigan 50 yashar Eman Mahmud so'nggi bir necha oy hammaga qiyin bo'lganini aytdi: "Nabaviy masjididagi eski kunlarni qanchalik sog'inganimni so'z bilan ifodalay olmayman."Umid qilamanki, inqiroz yaqinda tugaydi va barcha musulmonlar masjidda qalbni tozalaydigan ma'naviy tajribadan bahramand bo'la olishadi".
O'zbekiston musulmonlari idorasi matbuot xizmati
2025 yilgi Haj safarida ishtirok etgan yurtdoshlarimiz “Yangi O‘zbekistonning tinchlik va ma’naviyat targ‘ibotchilari” tashabbusi doirasida faol ish olib bormoqdalar. Ushbu tashabbus doirasidagi navbatdagi namunaviy-amaliy tadbir Farg‘ona viloyati Dang‘ara tumanida bo‘lib o‘tdi.
Tadbirda O‘zbekiston musulmonlari idorasi Farg‘ona viloyati vakili, viloyat bosh imom-xatibi Ubaydulloh domla Abdullayev ishtirok etib, tadbirga boshchilik qildi. “Sayyid Ahmadxon hoji” jome masjidida o‘tkazilgan yig‘ilishda tajribali imom-xatiblardan iborat Ishchi guruh tuzilib, ustuvor vazifalar belgilab olindi.
Ishchi guruh uch yo‘nalishda faoliyat olib bordi. Jumladan:
– Hajdan qaytgan ziyoratchilar ma’naviy-ma’rifiy tadbirlarga jalb etildi;
– 65 ta oilaga borilib, ma’naviy suhbat va amaliy yordamlar ko‘rsatildi;
– 9 ta xonadondagi ruhiy-ma’naviy qiyinchiliklar o‘rganilib, maslahatlar berildi.
– Oilaviy kelishmovchilik sababli notinch bo‘lib turgan oilalarga suhbat va nasihatlar o‘tkazildi. Natijada 2 ta arazlashgan oila yarashtirilib, 1 ta ajrimning oldi olindi;
– Sudlanganlar, jazo muddatini o‘tayotganlar hamda ularning oilalari bilan muloqot qilindi.
– Nogiron va ehtiyojmandlar holidan xabar olinib, moddiy-ma’naviy ko‘mak ko‘rsatildi.
Tumanning Taptiqsaroy mahallasida yong‘in oqibatida zarar ko‘rgan xonadonni qayta ta’mirlash ishlari homiylar va hojilar ko‘magida boshlab yuborildi. Bosh imom-xatib Ubaydulloh domla ushbu xonadonga tashrif buyurib, muloqot qildi hamda tavsiyalar berdi.
Bundan tashqari, “Doimobod” mahallasidan bo‘lgan, nogironligi bor fuqaroning uyiga ham tashrif uyushtirilib, tugallanmagan uy qurilishi uchun zarur qurilish materiallari yetkazildi.
Peshin namozidan so‘ng Ishchi guruh tarkibidagi iqtidorli imom-xatiblar jamoatga ma’ruza qilib, tinchlik, osoyishtalik va xalq farovonligi uchun duo qildilar.
O‘zbekiston musulmonlari idorasi
Farg‘ona viloyati vakilligi
Matbuot xizmati