Sayt test holatida ishlamoqda!
24 Iyul, 2026   |   10 Safar, 1448
search icon
Avvalgi sayt
ЎЗ РУ EN AR

Toshkent shahri
Tong
03:33
Quyosh
05:05
Peshin
12:35
Asr
17:37
Shom
19:52
Xufton
21:22
Bismillah
24 Iyul, 2026, 10 Safar, 1448
Avvalgi sayt
#search
 YouTube

Ilm ista (she’r)

28.04.2020   12838   1 min.
Ilm ista (she’r)

Ilmu hikmat bir ilohiy nur-ziyo,

Ilmu hikmat bilan dillar purziyo.

 

Zebu ziynat, molu dunyo o‘tkinchi,

Zavqu azob, orzu-havo o‘tkinchi.

 

Zakovat-la saqlanar qalb jahldan,

Baxt beshigi yasalgay ilm, aqldan.

 

O‘rganamiz ilm-la din-diyonatni,

Farzu vojib, sunnatu sir-sinoatni.

 

Ilm ista, g‘aflatga hech ko‘nmagin,

Bekor so‘zlab, uzun uxlab, so‘nmagin.

 

Ilmsiz qalb bo‘larmidi salomat?

Darding bormi, yo‘q ishingda davomat.

 

Ilm yo‘llar seni rushdu hidoyatga

Va olgaydir ixlosingni himoyatga.

 

Ilm ista, bo‘lgin omon, ey do‘stim,

Shunda jannat yo‘li oson, ey do‘stim.

 

Ibodulloh Ahrorov

Toshkent islom instituti o‘qituvchisi

(“Hidoyat”jurnali 2002, 2 son)

Boshqa maqolalar
Maqolalar

Nima uchun Rasululloh sollallohu alayhi vasallamga ergashamiz?

22.07.2026   6664   1 min.
Nima uchun Rasululloh sollallohu alayhi vasallamga ergashamiz?

1. Alloh taoloning amriga bo‘ysunish uchun.

Alloh taolo bunday marhamat qiladi: “Ey imon keltirganlar! Allohga va (Uning) Rasuliga itoat etingiz!” (Anfol surasi, 20-oyat). Bu ma’nodagi oyat Qur’oni karimda takror-takror kelgan.

2. Alloh taoloning muhabbatiga sazovor bo‘lish uchun.

Alloh taolo bunday marhamat qiladi: “Ayting (ey, Muhammad!): “Agar Allohni sevsangiz, menga ergashingiz. Shunda Alloh sizlarni sevadi va gunohlaringizni mag‘firat etadi. Alloh kechiruvchi va rahmlidir” (Oli Imron surasi, 31-oyat).

Hasan Basriy rahmatullohi alayh aytadilar: “Bandalarning Allohga bo‘lgan muhabbatlarining alomati Rasululloh sollallohu alayhi va sallamning sunnatlariga ergashishdir”.

3. Farz amallarda yo‘l qo‘yilgan kamchiliklarning o‘rnini to‘ldirish uchun.

4. Bid’at, zalolatga berilib ketishdan saqlanish uchun.

Rasululloh sollallohu alayhi vasallam: “Sizning ichingizda ikki narsani qoldirdim. Agar ularni mahkam tutsangiz, hech adashmaysiz. Bular – Allohning kitobi va Mening sunnatimdir”, deganlar (Imom Molik rivoyati).

Alloh taolo barchamizga Rasululloh sollallohu alayhi vasallamning sunnatlariga ergashimizga va unda bardavom bo‘lishimizga tavfiq ato etsin!

Davron NURMUHAMMAD

Maqolalar
#logo