Sayt test holatida ishlamoqda!
22 Fevral, 2026   |   5 Ramazon, 1447
search icon
Avvalgi sayt
ЎЗ РУ EN AR

Toshkent shahri
Tong
05:50
Quyosh
07:09
Peshin
12:42
Asr
16:22
Shom
18:09
Xufton
19:21
Bismillah
22 Fevral, 2026, 5 Ramazon, 1447
Avvalgi sayt
#search
 YouTube

Nishonga urilgan gaplar: “Sadaqa – Alloh taoloning g‘azabi o‘chishiga sabab bo‘ladi”

11.11.2019   3745   1 min.
Nishonga urilgan gaplar: “Sadaqa – Alloh taoloning g‘azabi o‘chishiga sabab bo‘ladi”

Quyida keltiriladigan fikrlar, hikmatlar saytlardan va ijtimoiy tarmoqlardagi turli sahifalardan olib tarjima qilingan.

 

Hasan Basriy rahimahullohdan «Qiyomat kuni (azobning og‘irligi sababli) eng qattiq qichqiradigan kimsa kim?» deb so‘raldi. Shunda u kishi: «Ne’mat bilan rizqlanib, Allohga ma’siyat qilishda o‘sha ne’matdan foydalangan kimsa» deb javob berdilar.

*****

Bir kishi Hasan Basriy rahimahullohdan «Qizimni kimga turmushga beray?» deb so‘radi. Shunda ulug‘ tobein «Allohdan qo‘rqadiganiga ber! Agar yaxshi ko‘rsa, ikrom qiladi. Agar yomon ko‘rsa, zulm qilmaydi» deb javob berdilar.

*****

Bir a’robiyga o‘lim keldi.

Unga: “Qo‘rqmayapsanmi?” deyildi.

“O‘limdan keyin nima bor?” deb so‘radi.

“Allohga yo‘liqish” deyildi.

“Yaxshilikni faqat Undan ko‘rganim Zotga yo‘liqishdan nega qo‘rqay?!” dedi.

*****

SADAQA:

  • Alloh taoloning g‘azabi o‘chishiga;
  • Yomon o‘limdan saqlanishga;
  • Rizq eshiklarining ochilishiga;
  • Bemorning tuzalishiga;
  • G‘amning arishiga;
  • Gunohning mag‘firat qilinishiga sabab bo‘ladi.

*****

Ibn Xaldun rahimahulloh: «Inson o‘zining johilligini sezishi ma’rifatning turlaridan biridir» deganlar.

*****

Imom Buxoriy rahimahullohni har gapimizga qo‘shib, maqtanamiz. Birorta hadisni yoddan bilmasligimizni ko‘rsalar nima der ekanlar-a?!

 

Internet materiallaridan to‘plab,

tarjima qiluvchi Nozimjon Iminjonov

Boshqa maqolalar
Yangiliklar

Xonadonlarga ulamolarning tashrifi davom etmoqda

22.02.2026   94   1 min.
Xonadonlarga ulamolarning tashrifi davom etmoqda

Davlatimiz Rahbari tomonidan joriy yil 16 fevral kuni imzolangan “Muborak Ramazon oyini munosib tarzda o‘tkazish to‘g‘risida” gi qarori ushbu oyni xalqimizga xos insonparvarlik, ezgulik va mehr-oqibat singari an’ana va qadriyatlarga sodiq holda o‘tkazishda asosiy omil bo‘lmoqda.
 

Qutlug‘ oyning avvalida O‘zbekiston musulmonlari idorasi raisi, muftiy Shayx Nuriddin Xoliqnazar hazratlari boshchiligida soha xodimlari tomonidan yurtimizning barcha hududidagi eng og‘ir mahallalardagi kam ta’minlangan oilalar uchun iftorliklar tashkil etilib, ko‘ngli o‘ksik kishilar og‘irini yengil qilish va ko‘ngillarini shod etish ishlari boshlab yuborildi.  


Joriy yilning 22 fevral kuni Diniy idora raisi o‘rinbosari Zayniddin domla Eshonqulov hamda Uchtepa tumani "Hazrat Ali" masjidi imomlari bilan birgalikda Davlatobod mahallasida istiqomat qiluvchi Husan aka Alimov xonadonda bo‘ldilar. Hovli kichik bo‘lishiga qaramy 4 ta oila ahillikda, Yaratganga shukronalikda umr kechirmoqdalar. Tashrif chog‘ida ushbu xonadon ahillariga ro‘zg‘or ashyolari va oziq-ovqat mahsulotlari hadya qilindi. Shundan so‘ng xonadon egalari bilan birgalikda iftorlik dasturxonida ma’rifiy-hayotiy suhbat qilindi.  Yakunda Yurtimiz va yurtdoshlarimizning haqqiga xayrli duolar qilindi.  

Bunday xayriya tadbirlari mamlakatimiz bo‘ylab davom etmoqda.    

O‘zbekiston musulmonlari idorasi
Matbuot xizmati

Xonadonlarga ulamolarning tashrifi davom etmoqda Xonadonlarga ulamolarning tashrifi davom etmoqda Xonadonlarga ulamolarning tashrifi davom etmoqda
O'zbekiston yangiliklari
#logo