Bir ayol Rasululloh sollallohu alayhi vasallamning oldilariga kelib, u zotga burda (libos) hadya qildi. U zot alayhissalom uni kiydilar. U zotning o‘sha kiyimga ehtiyojlari bor edi. Sahobalardan biri uni ko‘rdi-da, «Ey Allohning Rasuli, bu buncha ham chiroyli ekan. Menga kiydiring shuni» deb u zotdan o‘sha libosni so‘radi. Nabiy sollallohu alayhi vasallam darhol yechib, o‘sha odamga berdilar. Shunda sahobalar o‘sha odamga «Yaxshi ish qilmading. Nabiy sollallohu alayhi vasallam bu kiyimga ehtiyojlari borligidan uni kiygan edilar. Keyin sen u zot hech kimni quruq qaytarmasliklarini bilib turib so‘rading» deyishdi. Buni eshitgan boyagi odam «Allohga qasamki, men u libosni kiyish uchun so‘ramadim. Balki men uni kafanim bo‘lishi uchungina so‘radim» dedi. Buxoriy rivoyati.
O‘sha sahoba Rasululloh sollallohu alayhi vasallamning liboslarini o‘zida saqlab turdi va oxiri o‘sha kiyim uning kafani bo‘ldi.
Nozimjon Hoshimjon tarjimasi
Shu yilning 19-20 yanvar kunlari O‘zbekiston musulmonlari idorasi raisi, muftiy Shayx Nuriddin Xoliqnazar hazratlari boshchiligidagi ulamolar Misr Arab Respublikasi Prezidenti Abdul Fattoh as-Sisi tashabbusi bilan o‘tkaziladigan xalqaro anjumanda ishtirok etadi.
Misr Vaqf vaziri professor Usoma Sayyid Azhariy mas’ulligida Islom ishlari bo‘yicha Oliy Kengash tomonidan tashkil etilgan anjumanda ilm-fan va kasb-hunarning dinimizdagi ahamiyati, jamiyat taraqqiyotidagi o‘rni va sun’iy intellekt davridagi istiqboli keng muhokama qilinadi.
Shuningdek, islom olamida turli sohalar, xususan, iqtisodiyot, tibbiyot, astronomiya va algoritm, islom me’morchiligi, kimyo, muhandislik va boshqa yo‘nalishlardagi amaliy yutuqlarlarning dunyo taraqqiyotidagi o‘rni tahlil qilinadi. Qolaversa, bugungi kashfiyot va yangiliklar tufayli yuzaga kelayotgan zamonaviy diniy masalalarga birgalikda umumiy yechim topish kun tartibida bo‘ladi.
Xalqaro konferensiyada turli davlatlardan kelgan vazirlar, muftiylar, olimlar, ekspertlar, tadqiqotchilar, diplomatlar hamda soha mutaxassislari qatnashadi.
O‘zbekiston musulmonlari idorasi
Matbuot xizmati