Sayt test holatida ishlamoqda!
23 Sentabr, 2025   |   1 Rabi`us soni, 1447

Toshkent shahri
Tong
04:53
Quyosh
06:11
Peshin
12:20
Asr
16:31
Shom
18:23
Xufton
19:35
Bismillah
23 Sentabr, 2025, 1 Rabi`us soni, 1447

Uch yuz delegat ishtirok etgan anjuman yakuniga yetdi

12.04.2019   3484   1 min.
Uch yuz delegat ishtirok etgan anjuman yakuniga yetdi

Bugun Qozog‘istonning Nur-Sulton shahrida o‘tkazilgan “Ma’naviy ipak yo‘li, Islom va yoshlar: zamonaviy tahdidlar” mavzusidagi xalqaro anjuman o‘z ishini yakunladi.
Ushbu anjumanda jami 300 delegat ishtirok etgani uning nufuzidan darak beradi.
Mazkur anjumanda O‘zbekiston musulmonlari idorasi raisi, muftiy Usmonxon Alimov hazratlari, Rossiya muftiylar Kengashi raisi Ravil Gaynutdin, Qozog‘iston musulmonlari idorasi raisi, bosh muftiy Serikbay hoji Oraz, Qirg‘iziston musulmonlari idorasi raisi, muftiy Maksatbek Toktomushev, shuningdek, Xitoy, Moldova va Finlyandiya musulmonlari yetakchilari, jami bo‘lib 14 ta davlatdan din peshvolari ishtirok etdi.
Anjumanda yurtimiz nomidan chiqish qilgan muftiy Usmonxon Alimov hazratlari va Imom Buxoriy nomidagi Toshkent islom instituti rektori Uyg‘un G‘afurovning ma’ruzalari konferensiya ishtirokchilarida katta qiziqish uyg‘otdi.
Anjuman yakunlari bo‘yicha qarorlar qabul qilindi.


O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Maqolalar

Har narsa ko‘ringanidek emas

22.09.2025   1548   1 min.
Har narsa ko‘ringanidek emas

Er-xotin havonot bog‘ida yurardi. Maymunlar yonidan o‘tayotganlarida ayoli urg‘ochi maymunga parvona bo‘layotgan erkak maymunni ko‘rib:

– Qarang, qanday g‘amxo‘r, mehribon ekan, – dedi.

Eri unga bir jilmayib indamay qo‘yaqoldi.

Keyin ular sherlar qafasi yonidan o‘tishdi. Erkak sher bir chetda beparvo yotar, urg‘ochisi undan uzoqda edi. Ayol eriga yana:

– Qarang, anavi sher ayolidan uzoqda, loqayd yotibdi. Oilasiga g‘amxo‘r emas, shekilli, – dedi.

Shunda er ayoliga:

– Qani, urg‘ochi sherga biror narsa uloqtirib ko‘r-chi? – dedi.

Ayol bir kichkina cho‘pni urg‘ochi sherga qarata uloqtirdi. Shunda erkak sher tezda o‘rnidan turib, vajohat bilan ayolini himoya qilish uchun ayolga tomon yugurib qoldi. Uning vajohatidan qo‘rqib ketgan ayol erining ortiga o‘tib oldi.  Er ayolini yetaklab maymunlar tomon yurdi va unga:

– Endi maymunlarga ham biror narsa uloqtir-chi? – dedi. Ayol yana bir cho‘pni olib achomlashib o‘tirgan maymunlarga qarata otdi. Shunda erkak maymun o‘zini jonini saqlash maqsadida daraxt tepasiga qarab qochib qoldi.

Erkak ayoliga qarab bunday dedi:

– Ko‘rdingmi, xotin, hamma narsa ham ko‘ringani kabi bo‘lavermaydi.

Darhaqiqat, ko‘pchilikni ko‘p narsalarning zohiri aldab qo‘yadi. Ammo ba’zan biz ko‘zimiz bilan ko‘rgan narsalar aslidan boshqacha bo‘lib chiqishi ham mumkin. Yolg‘on ko‘ringan narsa esa ba’zida rost bo‘lib chiqishi mumkin. Shunday ekan, xulosa qilishga shoshilmaylik.

Akbarshoh Rasulov

Ibratli hikoyalar