Alloh taolo qushlarga rizqini beradi. Lekin qushlar o‘sha rizqiga yetish uchun uchishi kerak.

Golland maqoli

*****

Kim qo‘shnisining uyini buzishga urinsa, o‘zining uyi buziladi.

Shveysariya maqoli

*****

Agar kishi och bo‘lsa, nonni arpa noni, javdar noni, bug‘doy noni deb farqlab o‘tirmay, yeyaveradi.

*****

Agar tabassum qila olmasang, do‘kon ochma.

Xitoy maqoli

*****

Yaxshilikni bilmaydigan odamga yaxshilik qilishning misoli atirgul suvi (gulob)ni dengizga uloqtirishdir.

Polyak maqoli

*****

Agar bir xalqning darajasini, saviyasini bilmoqchi bo‘lsang, ularning ayollariga nazar sol.

Fransuz maqoli

*****

Qanoating – yarim baxtingdir.

Italyan maqoli

*****

Tanangni javohirlar bilan bezaganingdan ko‘ra aqlningni ilm bilan qurollantirganing yaxshidir.

Xitoy maqoli

*****

O‘zi bilan g‘ururlanish, o‘zidan qoyil qolish johillikning bolasidir.

Ispan maqoli

*****

Sovg‘alar bilan oziqlanib turadigan muhabbat har doim och qolaveradi.

Ingliz maqoli

*****

Muhabbatingni ayolingga, sirlaringni onangga ber.

Irland maqoli

*****

O‘g‘ling besh yoshga to‘lgunicha unga amirga qilgandek muomala qil. Keyin o‘n yil davomida unga qulga qilgandek muomala qil. Undan keyin u bilan do‘stona muloqotda bo‘l.

Hind maqoli

*****

Oila a’zolarim menga gapirishni o‘rgatdi. Odamlar esa jim turishni o‘rgatdi.

Chexoslovak maqoli

*****

G‘azab – aql chirog‘ini o‘chirib qo‘yadigan kuchli shamoldir.

Amerika maqoli

*****

Kishilarga hadya beradiganlar bergan narsalarini gapirmasliklari kerak. Uni olganlar esa, gapirib, eslashlari kerak.

Portugal maqoli

*****

Katta daraxt meva berishidan ko‘ra ko‘proq soya beradi.

Italyan maqoli

*****

Ey inson, o‘limni unutma, chunki u seni unutmaydi

Turk maqoli

*****

O‘ch olish lazzati qisqa vaqt davom etsa, kechirish lazzati umr bo‘yi davom etadi.

Ispan maqoli

*****

Muhabbat va atir yashirina olmaydi.

Xitoy maqoli

*****

Kimning sumkasida pullari bo‘lmasa, tilida ipagi bo‘lsin. Ya’ni tili shirin bo‘lsin.

Malayziya maqoli

*****

Kim chiroyli ayolga uylansa, ikkitadan ko‘proq ko‘zga muhtoj bo‘ladi.

Ingliz maqoli

*****

Kim o‘zi uchun qo‘y bo‘lishga rozi bo‘lsa, uni bo‘rilar yeb qo‘yadi.

Fransuz maqoli

*****

Feysbukdagi “Hayotning narigi yuzi” sahifasidan

Nozimjon Iminjonov tarjimasi