Shu kunlarda Qrimdagi Simferopol masjidi qurilishi yakunlanmoqda. Obodonlashtirish ishlari 90 foizga bajarildi, ichki pardozlash ishlari davom etmoqda. Uni sentyabr' oy oxiriga qadar tugatish rejalashtirilgan. Mazkur masjid 2016 yildan buyon qurilmoqda.
Qrim Respublikasi rahbari Sergey Aksyonovning so'zlariga ko'ra, ushbu masjid Qrim va Simferopolning asosiy Juma masjidiga aylanadi.
Masjidning umumiy maydoni 2 ming kvadrat metr. 4 ming kishiga mo'ljallangan. Asosiy xonaqoh 1,5 ming kishini sig'diradi.
O'zbekiston musulmonlari idorasi
Matbuot xizmati
O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbuslari bilan xatmi Qur’on tadbirlarining saviyasini oshirish bo‘yicha tizimli ishlar amalga oshirib kelinmoqda. Jumladan, Ramazon arafasida qorilarni saralash, ularning xatmi Qur’on tadbirlariga tayyorgarlik darajasini aniqlash maqsadida suhbatlar tashkil qilish an’anaga aylandi.
Bugun 19 yanvar kuni O‘zbekiston musulmonlari idorasi "Qur’on va tajvidni o‘rgatish" bo‘limida Ramazon oyida Respublika hududidagi masjidlarda xatm qiladigan qorilarni suhbatdan o‘tkazish Hay’ati yig‘ilishi bo‘lib o‘tdi.
Bo‘lim boshlig‘i Shayx Alijon qori Fayzulloh Maxdum va Masjidlar bilan ishlash bo‘limi boshlig‘i Muzaffar domla Kamolov raisligida o‘tgan ushbu yig‘ilishda ustoz qorilardan iborat Hay’at a’zolari ishtirok etdilar.
Yig‘ilishda Ramazon oyiga munosib tayyorgarlik ko‘rish, xususan, masjidlardagi xatmi Qur’on tadbirlarida qatnashadigan qorilarni suhbatdan o‘tkazish masalalari batafsil muhokama qilindi.