Sayt test holatida ishlamoqda!
15 Iyul, 2025   |   20 Muharram, 1447

Toshkent shahri
Tong
03:22
Quyosh
05:03
Peshin
12:34
Asr
17:40
Shom
19:59
Xufton
21:32
Bismillah
15 Iyul, 2025, 20 Muharram, 1447

Oliy ma’hadda otinoyilar uchun malaka oshirish kursi tashkil etildi

08.11.2018   5252   1 min.
Oliy ma’hadda otinoyilar uchun malaka oshirish kursi tashkil etildi

Bugungi kunda diniy soha vakillarining aholi o‘rtasida faolligini, fuqarolarning diniy-ma’rifiy sohadagi bilimlarini oshirish borasida o‘rni beqiyosdir. Davlatimiz rahbari turli uchrashuvlarda diniy soha vakillari bo‘lgan imom xatiblar va otinoyilarning jamiyatda faol bo‘lishga chaqirdilar. Diniy soha vakillarining zamon bilan hamnafas bo‘lishlari, doimiy ravishda ilmlarini boyitib borishlari, inson psixologiyasini yaxshi tushunishi ular uchun tashkil etilayotgan malaka oshirish darslariga bog‘liqdir.

Bugun, 8 noyabr kuni O‘zbekiston musulmonlari idorasi tasarrufidagi Toshkent islom institutida diniy soha vakillari faoliyatini yanada takomillashtirish, ularning bilimlarini oshirib borish maqsadida, Toshkent viloyatida faoliyat yuritayotgan otinoyilar uchun qisqa muddatli malaka oshirish o‘quv kurslari tashkil etildi.

O‘quv mashg‘ulotlarini O‘zbekiston musulmonlari idorasi, Xalqaro islom akademiyasi va Toshkent islom institutidan jalb qilingan ulamolar va professor-o‘qituvchilar olib bormoqdalar.

Otinoyilar “Qur’on tafsiri”, “Oilaviy munosabatlarni huquqiy tartibga solinishi”, “Islomda ayollar huquqi”, “Ayollarga xos fiqhiy masalalar”, “Islomda nikoh va taloq masalalari”, “Xatoba ilmi” va “Otinoyilar mas’uliyati va vazifalari” va boshqa mavzulardagi ma’ruzalarni tingladilar.

Mashg‘ulotlar ma’ruza, trening, muhokama va savol-javob tarzida o‘tkazilib, otinoyilar o‘zlarini qiziqtirgan savollariga batafsil ma’lumot oldilar.

 

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Yangiliklar

“Umra – 2025/2026” mavsumi uchun nimcha va sumka tayyorlash bo‘yicha tanlov e’lon qilinadi

14.07.2025   1860   2 min.
“Umra – 2025/2026” mavsumi uchun nimcha va sumka tayyorlash bo‘yicha tanlov e’lon qilinadi

I. Tanlovda qatnashish uchun quyidagi hujjatlar talab etiladi:
 

  1. Tanlovda ishtirok etish bo‘yicha xat;
  2. Korxona guvohnomasi va rahbarining pasport nusxasi;
  3. Bankdan K-2 shaklidagi ma’lumotnoma;
  4. Erkak va ayollar uchun bittadan nimcha namunasi;
  5. Tijorat taklifi;
  6. Korxonaning so‘nggi bir yilda bankdagi pul mablag‘lari aylanmasi haqida ma’lumot;
  7. Bog‘lanish uchun telefon raqam.

 

Amaldagi qonunchilikka muvofiq zarurat bo‘lsa, qo‘shimcha hujjatlar talab etilishi mumkin.

 

II. Mahsulotlar (erkaklar va ayollar nimchasi) uchun qo‘yilgan talablar:

 

  1. Nimcha 50, 52, 54, 56 va 58 o‘lchamlarda tikilishi;
  2. Nimchalarning oldi tugmali bo‘lishi;
  3. Nimchaning orqa tomoni tepasida O‘zbekiston bayrog‘i tushirilgan bo‘lishi;
  4. Nimchaning orqa tomoni (bayroq tepasida) qismida lotin harflarida “UZBEKISTAN” yozuvi bo‘lishi;
  5. Bir dona nimcha og‘irligi 190-220 gramm zichlikda bo‘lishi;
  6. Nimchalar moviy (och ko‘k) rangda bo‘lishi;
  7. Ikki yonida cho‘ntak bo‘lishi;
  8. Old yuqori chap cho‘ntak ustida O‘zbekiston musulmonlari idorasi huzuridagi “Haj” va “Umra” markazining logotipi bo‘lishi.

 

 III. Mahsulotlar (erkaklar va ayollar sumkasi) uchun qo‘yilgan talablar:

  1. Yorqin rangda bo‘lishi;
  2. Sumkaning og‘irligi 250-280 gramm zichlikdagi matodan bo‘lishi;
  3. Yon tomonda suv idish uchun cho‘ntak bo‘lishi;
  4. Oldi tomondan O‘zbekiston bayrog‘i va lotin harflarida “UZBEKISTAN” yozuvi bo‘lishi;
  5. Oldi tomonda shaxsiy ma’lumotlar uchun shaffof cho‘ntak bo‘lishi. 

 

Tanlovda ishtirok etish istagida bo‘lgan korxona va tashkilotlar 2025 yil 1 avgust kuniga qadar yuqoridagi talablar asosida hujjatlarni O‘zbekiston musulmonlari idorasiga taqdim etishlari mumkin.

Manzil: Toshkent shahri, Olmazor tumani, Qorasaroy ko‘chasi, 47-uy. Telefon: 71-240-04-75, 98-140-04-75

O'zbekiston yangiliklari