Xabaringiz bor, Saudiya Arabistonining Madina shahridagi Masjidun Nabaviyda 40 yildan beri ilk bor Qur’on hifzi, tilovati va tafsiri yo‘nalishlarida xalqaro musobaqa bo‘lib o‘tdi. Ushbu xalqaro Qur’on musobaqasida O‘zbekiston vakillari ham ishtirok etdi.
Masjidul Harom imomlarining tilovatlariga taqlid qilish bo‘yicha o‘tkazilgan norasmiy bellashuvda vakillarimizdan, “O‘zbekiston Qur’on musobaqasi - 2018” tanlovining “Oliy o‘rin” sohibi, qirol Abdul Aziz xalqaro musobaqasining 30 porani yoddan o‘qish yo‘nalishi ishtirokchisi Yo‘ldoshbek qori Nuriddinov ikkinchi o‘rinni oldi.
Eslatib o‘tamiz, ushbu qirol Abdul Aziz xalqaro tanlovi hijriy sana bo‘yicha muharram oyining 26 sanasidan safar oyining 1 kuniga qadar, milodiy sana bo‘yicha 6 oktyabrdan 11 oktyabrgacha o‘tkazilib, unda 82 davlatdan 115 kishi ishtirok etdi.

O‘zbekiston musulmonlari idorasi Matbuot xizmati