Sayt test holatida ishlamoqda!
04 Yanvar, 2025   |   5 Rajab, 1446
search icon
Avvalgi sayt
ЎЗ РУ EN AR

Toshkent shahri
Tong
06:24
Quyosh
07:49
Peshin
12:33
Asr
15:26
Shom
17:10
Xufton
18:30
Bismillah
04 Yanvar, 2025, 5 Rajab, 1446
Avvalgi sayt
#search
 YouTube

Yo, Alloh. Gunohlarimizni kechir...

20.09.2018   14733   4 min.
Yo, Alloh. Gunohlarimizni kechir...
  1. “...Ey, Rabbimiz, mag‘firatingni (so‘raymiz). Qaytishlik faqat Sening huzuringgadir” (Baqara surasi, 285-oyat).

 

  1. “Ey, Rabbimiz, agar unutsak yoki xato qilsak, bizni koyima! Ey, Rabbimiz, bizdan ilgari o‘tganlarning zimmasiga ortgan mashaqqatni bizning zimmamizga ortma! Ey, Rabbimiz, toqatimiz yetmaydigan narsani bizga yuklab tashlama! Bizlarni afv et va kechir hamda bizlarga rahm qil! Sen bizning Xojamizsan. Bas, bizlarga kofirlar qavmi ustidan g‘oliblik ato et!” (Baqara surasi, 286-oyat).

 

  1. “Ey, Rabbimiz, bizlar Senga imon keltirganmiz. Bas, bizning gunohlarimizni kechir va bizni do‘zax azobidan asra!” (Oli Imron surasi, 16-oyat).

 

  1. “Ey, Rabbimiz! Bizning gunohlarimizni va ishimizdagi isrofgarchiligimizni (bandachilikdagi xatolarimizni) kechir...” (Oli Imron surasi, 147-oyat).

 

  1. “Ey, Rabbimiz! Bizning gunohlarimizni kechir, xatolarimizni o‘chir va bizlarni solih kishilar qatorida vafot ettir!” (Oli Imron surasi, 193-oyat).

 

  1. “Ey, Rabbimiz! Biz o‘zimizga (o‘zimiz) zulm qildik. Agar bizni kechirmasang va bizga rahm qilmasang, biz, albatta, ziyon ko‘ruvchilardan bo‘lib qolurmiz” (A’rof surasi, 23-oyat).

 

  1. “Qasamki, agar Rabbimiz bizga rahm qilmasa va (gunohimizni) kechirmasa, albatta, ziyon ko‘ruvchilardan bo‘lishimiz aniqdir” (A’rof surasi, 149-oyat).

 

  1. “Ey, Rabbim! Meni va birodarimni mag‘firat qilib, bizni rahmatingga kiritgaysan. Sen rahmlilarning rahmlirog‘idirsan!” (A’rof surasi, 151-oyat).

 

  1. “... bizlarni mag‘firat et (kechir) va bizlarga rahm qil. Sen kechiruvchilarning (eng) yaxshisidirsan (A’rof surasi, 155-oyat).

 

  1. “Rabbim! Men Sendan o‘zim (yaxshi) bilmagan narsani so‘rashimdan panoh tilayman. Agar meni kechirmasang va menga rahm qilmasang, albatta, ziyon ko‘ruvchilardan bo‘lib qolurman” (Hud surasi, 47-oyat).

 

  1. “Ey, Rabbimiz! Hisob-kitob qilinadigan (qiyomat) kuni meni, ota-onamni va (barcha) mo‘minlarni mag‘firat qilgin!” (Ibrohim surasi, 41-oyat).

 

  1. “Ey, Rabbimiz! (o‘zingga) imon keltirdik. Bas, bizlarni mag‘firat qilgin va bizlarga rahm ayla! Sen o‘zing rahm qiluvchilarning yaxshisidirsan” (Mu’minun surasi, 109-oyat).

 

  1. “Ey, Rabbim! (Gunohlarimizni) mag‘firat et va (holimizga) rahm ayla! Sen (o‘zing) rahm qiluvchilarning yaxshisidirsan” (Mu’minun surasi, 118-oyat).

 

  1. “Ey, Rabbim! Darhaqiqat, men o‘zimga zulm qilib qo‘ydim. Bas, meni mag‘firat et” (Qasas surasi, 16-oyat).
  2. “Ey, Rabbim! O‘zing meni mag‘firat qilgin va menga o‘zimdan keyin biror kishiga muyassar bo‘lmaydigan bir mulk (hukmronlik) ato etgin! Sening O‘zinggina Vahhob (barcha yaxshiliklarni ato etuvchi)dirsan” (Sod surasi, 35-oyat).

 

  1. “Ey, Rabbimiz! O‘zing bizlarni va bizdan ilgari imon bilan o‘tganlarni mag‘firat etgin va qalblarimizda imon keltirgan zotlarga nisbatan gina paydo qilmagin! Ey, Rabbimiz! Albatta, Sen mehribon va rahmli zotdirsan!” (Hashr surasi, 10-oyat).

 

  1. “Ey, Rabbimiz! Bizni kofir bo‘lgan kimsalarga aldanuvchi qilib qo‘ymagin, bizni mag‘firat etgin! Ey, Rabbimiz! Albatta, Sen o‘zing Qudratli va Hikmatli (zot)dirsan” (Mumtahana surasi, 5-oyat).

 

  1. “Ey, Rabbimiz! O‘zing bizlarga nurimizni komil qilib bergin va bizlarni mag‘firat etgin. Albatta, Sen har narsaga qodirdirsan”, (Tahrim surasi, 8-oyat).

 

  1. “Ey, Rabbim! Meni, ota-onamni, uyimga mo‘min holda kirgan kishilarni va barcha mo‘minu mo‘minalarni mag‘firat etgin! Zolimlarga esa faqat halokatni ziyoda qilgin!” (Nuh surasi, 28-oyat).

 

Davron NURMUHAMMAD

Qur'oni karim
Boshqa maqolalar
Maqolalar

Umar roziyallohu anhuni yig‘latgan voqea

3.01.2025   1611   1 min.
Umar roziyallohu anhuni yig‘latgan voqea

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Imom Bayhaqiy, Ibn Munzir va al-Hokim Abu Imron al-Juniydan rivoyat qiladilar:

«Umar roziyallohu anhu bir rohibning oldidan o‘tib ketayotib, to‘xtadi. Rohib chaqirildi va unga: «Bu mo‘minlarning amiri», deyishdi.

Bas, Umar unga sinchiklab qarab chiqdi. Rohibning tarkidunyo qilib, charchab-horib, qiynalgani ko‘rinib turar edi. Umar uning bu holini ko‘rib, yig‘ladi. Unga:

«Bu nasroniy!» deyishdi.

«Bildim, lekin unga rahmim keldi. Alloh azza va jallaning «Amal qiluvchilar, charchovchilar. Qizigan o‘tga kirurlar», deganini esladim. Uning charchab, ijtihod qilib turib, do‘zaxga kirganiga rahmim keldi», dedi Umar».

Zalolat yo‘lini tanlab, o‘zini behuda qiynab yurgan insonga rahmi kelib, yig‘lash uchun inson hazrati Umar roziyallohu anhuning qalbi kabi buyuk qalbga sohib bo‘lishi kerak. Alloh taoloning Iymon-Islom deb atalmish ulug‘ ne’matiga muyassar bo‘lgan Umar ibn Xattob roziyallohu anhu o‘zlariga yetgan baxt-saodatning boshqalarga ham nasib etishini chin musulmon sifatida juda ham istar edilar. Shuning uchun ham rohibni ko‘rganlarida chidab tura olmay, yig‘lay boshladilar. Atroflaridagi kishilar bu haqiqatni anglab yetmay, o‘zlaricha boshqacha ta’vil qildilar. Ular: «Hazrati Umar roziyallohu anhu bu odamning nas­roniy ekanligini bilmasdan, havas qilib yig‘lamoqdalar», deb tushundilar. Ammo Umar ibn Xattob roziyallohu anhu uning kimligini bilganlari va shuncha o‘zini qiynagani bilan iymoni bo‘lmaganligi uchun do‘zaxga kirishini o‘ylab yig‘layotganlarini aytdilar.

«Hadis va hayot» kitobining 23-juzidan olindi

Maqolalar
#logo