Sayt test holatida ishlamoqda!
18 May, 2026   |   30 Zulqa`da, 1447
search icon
Avvalgi sayt
ЎЗ РУ EN AR

Toshkent shahri
Tong
03:26
Quyosh
05:02
Peshin
12:24
Asr
17:26
Shom
19:42
Xufton
21:11
Bismillah
18 May, 2026, 30 Zulqa`da, 1447
Avvalgi sayt
#search
 YouTube

Jilovin mahkam tut...

05.07.2018   5505   1 min.
Jilovin mahkam tut...

O‘zimiz yaxshi ko‘rganni o‘zgalarga ravo ko‘raylik. Imonimiz va nafsimiz xohlamagan narsalarni boshqalarga ravo ko‘rmaylik. Nafsimiz jilovini tortib turaylik, uni hay-haylab yo‘limizga solmasak, qamchilab turmasak, toatu ibodat, savob ishlarga burmasak, bizni o‘ziga qo‘shib jahannamga tortib ketadi.

Valiylardan biri baliqpazning do‘koni oldidan o‘tib qolibdi. Nafsi g‘alayon qilib baliq yegisi kelibdi, borib baliqpazdan baliqning narxini so‘rabdi. Unga javoban baliqpaz narxi ikki tanga ekanini aytibdi. Buni eshitgan Valiy, pul topish niyatida yo‘lida davom etayotganda quduqdan charx aylantirib suv chiqaradigan joyga borib qolibdi. Charx egasi mirobdan:

– Bir kunlik ish haqi qancha bo‘ladi? – deb so‘rabdi.

– Ikki tanga, – debdi mirob va ikkalasi kelishibdi. Ertadan kechgacha tinmay gir aylanib suv chiqargan avliyo qattiq charchab, holdan toyibdi. Xizmat haqiga kelishilgan ikki tangani olib, baliq xarid qilib, yer ekan:

– Ey nafsim, agar yana baliq yeging kelsa, bundan ham qattiqroq ishlataman, – debdi.

Ey aziz farzand! Yomon nafs doimo yomonlikka undar, qancha ko‘p bo‘lsa, shuncha kam deydi.

Badnafslik xorlikka undagay har dam,

Otashga tusharsan gar bo‘lsang hamdam.

Nafsingni doimo tarbiyat ayla,

Jilovin mahkam tut, yaxshilab boyla.

 

Shermurod Tog‘ayning “Qasamini buzgan qiz” kitobidan

Ibratli hikoyalar
Boshqa maqolalar
Yangiliklar

"Prezident hojilari"ga ehtirom ko‘rsatilmoqda

18.05.2026   851   1 min.

#xabar #haj2026 #prezident_hojisi
Ayni kunlarda yurtimizda "Haj – 2026" mavsumi qizg‘in pallasiga kirdi. Islom dinining beshinchi arkonini ado etish ishtiyoqida bo‘lgan minglab hamyurtlarimizni muborak diyorga kuzatish ishlari tizimli ravishda yuqori darajada amalga oshirilmoqda.
 

Kuni kecha muhtaram Prezidentimiz tomonidan el-yurt koriga yarayotgan, fidoiy va jonkuyar 100 nafar vatandoshimizni "Prezident hojisi" sifatida Haj safariga jo‘natish haqidagi xushxabar butun mamlakatimiz bo‘ylab katta quvonch va shukronalik bilan kutib olindi.


 

Shu kunlarda ana shunday yuksak baxt va e’tirofga musharraf bo‘lgan Qoraqalpog‘iston Respublikasi va viloyatlardan kelgan ziyoratchilar Toshkentda yuqori darajada kutib olinmoqda. Tadbirlarda mutasaddi vakillar ishtirok etmoqda. Xususan, Din ishlari bo‘yicha qo‘mita raisining birinchi o‘rinbosari Davronbek Maxsudov hamda O‘zbekiston musulmonlari idorasi raisi o‘rinbosari Zayniddin domla Eshonqulov ushbu ziyoratchilarni iliq so‘zlar, ezgu tilaklar va esdalik hadyalari bilan qarshi oldi.



Ma’lumot o‘rnida, ulug‘ haj ibodati oldidan Toshkentga kelgan ushbu ziyoratchilar uchun poytaxtimizdagi diqqatga sazovor joylar, muqaddas qadamjolar va tabarruk maskanlarga ziyoratlar tashkil etilishi rejalashtirilgan. 

 

O‘zbekiston musulmonlari idorasi

Matbuot xizmati

O'zbekiston yangiliklari
#logo