O‘zbekiston va Turkiya o‘rtasidagi hamkorlik barcha sohalarda jadallik bilan rivojlanib bormoqda. Buni turli soha vakillaridan iborat bo‘lgan delegatsiyalarning almashinuvida ko‘rish mumkin.
Shu haftada Turkiya ulamolari delegatsiyasining Samarqand, Buxoro, Toshkentga tashrifi, diniy soha vakillari o‘rtasidagi uchrashuvlar buning yaqqol misolidir.
Muqaddas Ramazon oyi munosabati bilan, 6 iyun kuni Turkiya Respublikasining Toshkent shahridagi elchixonasida Turkiya elchisi tomonidan iftorlik tashkil etildi. Ushbu iftorlikda O‘zbekiston musulmonlari idorasi raisi, muftiy Usmonxon Alimov hazratlari ham ishtirok etdilar.
Bu singari uchrashuvlar mamlakatlarimiz o‘rtasidagi munosabatlarning rivojiga katta hissa qo‘shadi.
O‘MI Matbuot xizmati
#xabar #haj2025
Bugun, 12 iyun kuni erta tongda yurtimiz hojilarining ilk guruhlari yurtimizga yo‘l olishdi.
Aytib o‘tish joiz, bu yilgi haj mavsumi har qachongidan ham fayzli, shukuhli o‘tdi. Haj arkonlarini bajarish uchun yurtimiz mo‘min-musulmonlariga Madinai munavvara, Makkai mukarramada yaratilgan shart-sharoitlarga ko‘plab musulmonlarning havasi kelganiga barcha guvoh bo‘ldi.
Ayniqsa, mehmonxonalar, Mino, Arafot vodiylaridagi qulaylik va imkoniyatlar, tibbiy va transport xizmatlari barchani mamnun etdi.
Endilikda ibodatlarni huzurlanib ado etgan, yuz-ko‘zlari porlagan, peshonalaridan nur balqigan hojilarimizning dastlabki guruhi diyorimizga qaytishmoqda.
Alloh taolo hojilarimizning hajlarini qabul aylasin. Farzandu anjumandlari bag‘riga eson-omon yetib olishsin.
O‘zbekiston musulmonlari idorasi
Matbuot xizmati